Gjaldmiðill eilífðar 31.7.17

Búirðu að kærleika kvíddu ekki því

er kemur hin síðasta ferð.

Þú tekur góðverkin með þér gröfina í

og geislabaug hvern er þú berð

en aurana sína enginn með ber,

eilífð á betri gjaldmiðil segi ég þér.

Hvað er til ráða 27.7.17

Illt er að berjast

bumbuna við

brauðmolar og matur allur

sækir niðrá kvið.

Gott er hvað sem dregst

þú fáir ístruvott,

éttu því það helst

sem þér ekki þykir gott.

Óþokkar 23.7.17

Óþokkar óhroðan herða

og ei tel ég nýtt með það.

Það er illt aumingi að verða

austur í Neskaupstað.

Fjandsamleg hola 21.7.2017

Ein af dömunum sem sér hér um baðþjónustustuna í Norðfirði kom til mín í gær og tilkynnti mér að ekki væri lengur um þessa þjónustu að ræða og yrði ég annað hvort að koma til þeirra eða fara á hjúkrunarheimili. Ég hef kynnt mér að þetta er alveg skýlaust brot á lögum og reglugerðum þeim sem eru í gildi í landinu en það er nú svo með það að illt er að eiga við þá sem ekki kunna að skammast sín hvernig sem þeir haga sér gagnvart skjólstæðingum sínum:

Fjarðabyggð er mörgum fjandsamlegust hola,

fjarviðrast þar margir en gera lítið að.

Kúgun reynist kvalræði hverjum sem að þola.

Kóa æði margir með óhroða í Neskaupstað.

 

Menn arka sinn örlagaveg,

eins að sumri og að vetri.

Það eru fleiri geðveikir en ég

og síst að ég tel þó betri.

Ótroðnar slóðir 21.7.17

Yndi er að kvelja minnimáttar

og margir af þykjast góðir.

- Þeir eiga oft erfitt uppdráttar

sem ei renna troðnar slóðir.

Yndið er í Fjarðabyggð en það getur orðið erfitt að finna það 20.7.17

Það styttist alltaf í það

að aumingjar fái nokkuð

nú neita þær að baða mig,

blessaðar dömurnar.

– Hvað sér sér vesælla,

sagði gamall rokkur,

- yndið er í Fjarðabyggð,

en hvar á að finna það?!

Nýasta fermingargjöfin 16.7.17

Í heilbrigðiskerfinu er allsengin töf

er auðsöfnun lækna tekur slaginn.

Skapabarmaaðgerð er indælis gjöf

til ungmeyja á fermingardaginn.

Happið 14.7.17

Út af smá ævintýri sem ég lenti í lagði ég ljóð dagsins:

 

Til heillavega um happið þér ég segi,

hverjir skyldu ei yfir því vilja gína?

Finnir þú gullkorn á förnum vegi,

flýt þér því vinur upp það að tína!

Sigurður Ingi bregður sér í dýralæknisgerfið

Í sjónvarpinu 9.7.17 bjó formaður framsóknarflokksins Sigurður Ingi sig

til að gelda fola og felldi hann flatan og þvó síðan á honum pungstæðið

og sagði eystun á honum lítil en þó vera stór miðað við mannfólkið.

þá þreif ég úr brjóstvasanum blað mitt og penna og reit niður þessa vísu:

 

Ætli ekki hollast til hugsunar

hollvininn láta sig teyma?.

Skyldu ei bunga vel buxurnar

hrosseystu hefðu að geyma?

Hvað er svo glatt? 5.7.17

Það mun meira um það

en menn eiga í vonu,

margir á besta aldri

láti sig vana.

- Það þýðir ansi lítið

fá sér vel ættaða konu

og koma ekki

barni í hana.