Verkfall lækna 26.11.14

Hvar skyldu nú stjórnvöldin vera sem settu lög á verkfall verkamanna á Vestmanneyjarferjunni fyrir skömmu, árið 2014 og skipuðu þeim með lögum að vinna eftir og næturvinnu sem áður hafði þó talist til mannréttinda að menn réðu sjálfir hvort þeir gerðu eða gerðu ekki? Af hverju skyldi nú ekki mega stöðva verkfall lækna með lögum og stynga upp í þá sömu auratölu og láglaunafólkið fékk út úr sínum 2,8% sem þeim var til skömtunar? 

Verkfall lækna líður hjá,

ljóst er svo með högum

að þjóðarböl er að setja á

ungbörn nú á dögum.

Það verður þinginu að táli,

- það eina skiptir máli.

Til innanríkisráðherra 24.11.2014

Ekki veit ég hvað það þýðir eða dugar mikið að senda nýjum Innanríkisráðherra kæru á þann gamla óbrúklega og ráðuneytið, hvað þá að senda Sigmundi Davíð afrit en hann hefur ekki svarað eða sinnt þessu máli nokkurntíman í mörg ár á Alþingi en ég sendi þessa kæru í morgun,  Þetta er nú aldeilis þokkapeningur sem berst um að fá að taka að sér trúnaðarstörfin fyrir okkur:

Kæra á Hönnu Birnu f.v. innanríkisráðherra og ráðuneytið fyrir að svara ekki né afgreiða ítrekaðar kærur frá mér né bæta úr ástandinu á nokkurn hátt, um mannréttinda- og stjórnarskrárbrot á mér um árabil þrátt fyrir ítrekaðar kærur mínar til fjölda ára til allra þingmanna þjóðarinnar og fleiri ráðaneyta svo sem Félagsmálaráðuneytisins.  Ég tel að seint muni koma öll kurl til grafar um óráðvendni óvinnufærni Hönnu Birnu á ráðherrastóli.

Efni kæranna í stuttu ágripi:

Ég hef orðið að reka einn mitt heimili í um 6 ár vegna brottflutnings konu minnar í erfiðum sjúkdómi og langvarandi endurhæfingar.  Mér hefur þrátt fyrir það allan tímann verið neitað um heimilisuppbætur og sagt að lögin segi alla einstaklinga eiga að njóta þeirra nema þeir séu kvæntir eða giftir. 

Ég tel það svívirðilega mismunun þegnanna að sumir í sömu aðstöðu megi fá framfærslu til nauðþurfta og fá að lifa af í landinu en aðrir séu tilneyddir að slíta hjúskap til að eiga möguleika á því og að þetta séu því ólög af versta tagi sem hefði átt að breyta tafalaust er ég snéri mér til stjórnvalda með þetta og að svo hefði verið gert væri þeirra verkalið sæmilega heilbrigt.

Ég hef krafist þess lengi og ítreka þær kröfur enn nú að lögunum verði breytt strax og mér greitt aftur í tímann ásamt öðrum þeim er eiga munu rétt á því svo langt aftur í tímann sem lög framast leyfa og að ávítur verði settar á þá sem hafa brugðist í þjónustu- og trúnaðarskildum sínum gagnvart mér.

Kveðja,

Einar Sigfússon Kt: 1704423349

Afrit sent Forsætisráðherra Sigmundi Davíð

Sigmundur Davíð í bullandi kollsiglingu 22.11.14

Sigmundur ætlar samkvæmt því sem hefur horft og nú horfir til að kollsigla Framsóknarflokknum eina ferðina enn í kjölfar Halldórs heitins aumingja sem gerði það svo kirfilega á undan honum að beygja sig berrassaðann fyrir siðleysinu og spillingu og verja Sjálfstæðisflokksins í það óendanlega.

Hann var svo fylgispakur Sjálfstæðisflokknum að hann lét dæma sig og félaga sína í Framsóknarflokknum með honum fyrir siðleysi og mannréttindabrot fyrir Hæstarétti frekar en að sjá að sér og slá undan óhroðanum og spyrna við fótum. Skyldi Sigmundur stefna að því sama marki eða einhverju þvílíku samsvarandi?

Ég sé ekki eftir Framsóknarflokknum og teldi fátt betra geta skeð þjóðinni til heilla utan þess að Sjálfstæðisflokkurinn gerði það en að hann eyddist.

En mér finnst sorglegt svo vel sem Sigmundur fór af stað í pólitíkinni og skaraði að sér svo snilldarlega trúgjörnum sálum fylgjenda með vonir um bjartari framtíð fólksins að eiga með honum að hann þyrfti þá endilega eins og Halldór heitinn ræfillinn gerði fyrrum að eyðileggja allt fyrir sér aftur með því að gera siðleysi og spillingu Sjálfstæðismanna að leiðtoga lífs síns og verða talsmaður og verndari hinna dapurlegastu klaufa og afglapa.

Mér finnst sem að svo hafi verið lengi og að það mætti breytast að flest sem stjórnvöld koma nærri verði þjóðinni að meini og að nú kasti alveg tólfunum þegar forsætisráðherrann Sigmundur kennir svo mér og þér og öllum öðrum en sér sjálfum og stjórninni um ástandið þó segja megi að nokkuð sé til í því að því leiti að landsmenn hafa ítrekað konsið yfir sig sömu spilltu menn og flokka sem voru áður búnir að marg fara illa með þá.

Á veginum gráa 2014

Það syrtir í álinn og úti er friður

er illska hins stóra níðir þann smáa.

Fleirum en Sigmundi farnast hér miður

að flykkjast um Hönnu á veginum gráa.

 

Margra hefur marið skinn

á mjóu bökunum skakið.

- Kjósirðu fjórflokkinn

færðu hann í bakið.

Hvers vegna 22.11.14

Hvers vegna fá illmennin að lifa

en ungbörnin að deyja,

ómálga, saklaus og fyrir það eitt

að skapast og að verða til?

Það er vart fyrir fáráða og gapa

að finna út úr því hvernig

Drottinn gefur alheiminum spil.

Hanna Birna segir af sér 21.11.14

Sturlun má oft steyta þraut og pínu,

stormasamt kann spillinganna erli.

Hanna Birna hefur lokið sínu

háskalega mannréttarbrotaferli.

Hinn vondi er þaulsætinn veröldu í,

- hún ætlar víst bara að taka sér frí.

Spurning dagsins 20.11.14

- Eitt sinn má hver deyja,

en fáum hlotnast að deyja fyrir

göfugar hugsjónir

og spurning ein má vera

hvers virði það er.

En það vil ég segja þér um trúmálin

að bænir þínar munu heyrast

þótt þú biðjir fyrir aumum syndara,

- eins og til dæmis bara mér!

Elítan og alþýða manna 17.11.14

Fjórflokkurinn er með sama blekkingarbrag,

- bófasasöfn halda sig fjárplógnum nærri.

Viljum við hafa Ísland eins og það er í dag,

- að elítan misþyrmi öllum þeim smærri?

 

Brjálæðingunum herða að betur þið megið

og berja enn meira svo að úr fari gassinn.

Fjórflokkurinn illa hefur almúgann slegið

en alþýðan að venju boðið honum rassinn.

Hverju er að mótmæla hvað kemur að óvart? 17.11.14

,,Hátt í fimm þúsund manns mættu á fyrstu mótmælin þann 3. nóvember, en áætlað er að tæplega 2 þúsund manns hafi látið sjá sig í síðustu viku", segja fjölmiðlar í dag og að 2500 manns hafi skráð sig nú til mótmæla í dag þriðja mánudaginn í röð hvern eftir annan.

Skyldu þessir mótmælendur ekki að megninu til vera þeir sömu og kusu Fjórflokkinn yfir sig í síðustu kosningum þótt hann hafi margsvikið þá aftur og aftur og níðst á öllu sem þeim var helgast í mannlífinu?  

Samtrygging spillingarafla auðvaldsins er sterkt. Það sést t.d. vel núna á skjaldborginni um Hönnu Birnu og þann smekk ríkisstjórnarinnar að ég tel bara vera þar eitt sýnidæmið enn um misferli stórnvalda að reka hana þá ekki þegar í stað úr embættinu er upp komst. 

Gullinu betra 12.11.14

Að elska er að lifa ég segi það satt,

það er söngurinn fegursti í hjarta.

Hvað skyldi lífi svo göfugt og glatt

og gullinu betra að skarta?

Valdatöfl 6.11.14

Veraldarinnar valdatöfl

vandamálin prjóna

svo eru í ferðum ýmis öfl

sem illum vilja þjóna.

 

Það mun vera þrautaráð

þeirra bölvun kveða niður:

Upp mín sál og öll mín dáð,

aumur maður þess nú biður!