7.11.2017 | 11:37
Faseignagjöld 7.11.17
Enginn getur hér lifað af
án þess að hafa hús
og heimta af því skatta
kann ekki lukku að stýra.
Menn hafa varla efni á
o´ní sig að kaupa bús,
eina sem menn megna
er blótsyrði saman tvinna.
Bjarni ben
á sína glæpi er gleyminn
á glapstigunum
gengur margur ófeiminn,
ganga um
sem eigi allan heiminn.
Þeim er ei gjarnt
að éta sjálfir trosið.
Mætti ekki fara,
þurrka af þeim brosið?
Sigmundur hvattur
Það er sýnt
að sýður nú á keipum,
ætlarðu láta ríkisstjórn
renna þér úr greipum?
Ég held þú ættir að
hysja upp um þig brækur,
og heimta stjórnarmyndun
frískur klár sem lækur
en forðist þú enn
á fátætinni að taka
og fellir ekki á brautu
verðtryggingarleiðir
þá mun ég að þér
óbænir þessar skaka:
go to hellands steiðir!
Bloggar | Breytt s.d. kl. 20:07 | Slóð | Facebook | Athugasemdir (0)
5.11.2017 | 22:28
Af skákferli mínum 5.11.17
Ég held að faðir minn hafi fás notið betur en er ég sagði honum afrekssögur af sjálfum mér.
Við systkinin vorum ein af þeim mörgu börnum er fengu kassa ein jólin er innihéldu ýmsa leiki og kom sér vel víða að ég tel í fásinninu. Eitt leikjasettið var fyrir skák. Það mun hafa dregist lengi með að okkur væri kennt að tefla. En faðir minn var búinn að kenna mér talsvert í því er mér var komið til Keflavíkur í fóstur vetrarlangt eftir að mamma okkar dó.
Það var fermingarveturinn minn og í sveitinni tóku börn fullnaðarpróf 13 ára vegna lítillar kennslu þar sem yfirleitt var annan hvern hálfan mánuð og skiptust þá á eldri og yngri börn með skólavistina. Í kaupstöðunum var samfelld kennsla alla vetur og tóku börn þar fullnaðarpróf árinu yngri 12 ára gömul. Ég lenti því með 12 ára krökkum í bekk er til Keflavíkur kom og vorum við 34 að tölu í honum.
Þar var haldið skákmót um veturinn og tefldu allir við alla. Ég vann allar mínar skákir til þeirrar síðustu sem reyndist mér svona sögulegt að ég færi þetta í letur. Þá mætti ég skólameistaranum sem líka hafði unnið allar sínar skákir.
Voru margir sem fylgdust með spenntir um úrslitin. Ég var nú ekki orðinn taugaveiklaður á þeim árum og tók því öllu með stökustu ró og sýndi algjöra yfirburði og gjörsamlega rústaði liðið hjá andstæðingnum. En komst þá óvænt að raunum um að bölvanlega hafði vantað í kennsluna hjá föður mínum. Þar sem ég þrengdi og þjarmaði að andstæðingnum með fjölda mönnum hrópaði hann allt í enu upp yfir sig: - Ég er patt, þetta er jafntefli! Þetta orð hafði ég aldrei heyrt áðum um skák en fékk útskýrinar á því fljótlega í framhaldinu. Þar með eru sögulok.
Falla gullkorn eitt og eitt
en ekki á hvurt strá!
- Ýmsum þykir ekki leitt
afrekum segja frá!
Bloggar | Slóð | Facebook | Athugasemdir (0)
5.11.2017 | 18:03
Umræðan 5.11.17
Kynferðislegt ofbeldi
nú heimsbyggðina skekur!
Þetta fær á sig karlastóð
fyrir að sýna konum dekur!
Þeir hefðu kannski ekki átt
á þeim lina tök
en reyna að berja þær betur!
Reyndu að deyja sáttur 5.11.17
-Tapaður dráttur
kemur aldrei aftur,
umlaði gamall raftur
og ekki deyr sá sáttur,
slíkur er kynlífskraftur!
Bloggar | Breytt s.d. kl. 20:08 | Slóð | Facebook | Athugasemdir (0)
4.11.2017 | 17:48
Ort í rökkrinu
Alli vinur 4.11.17
Lífið er ekkert einfalt,
- eins dauði er annars brauð,
Ég gæti þakkað það margfalt
er Þórður mér soninn bauð.
Reyndu vinur sorgina sefa
ef sækir að gráturinn.
Mikið má fyrir gleðina gefa
og góður er hláturinn.
Bloggar | Breytt s.d. kl. 17:52 | Slóð | Facebook | Athugasemdir (0)
4.11.2017 | 00:11
Í Karphúsinu 3.11.17
Margir vilja fækka flíkum
og faðmast grimmt í sorateymi.
Illu heilli að öllum líkum
- örlar á Vinstri-stjórnar-geimi.
Það vill oft fara upp í loft
ýmist sem niður skal snúa,
þegar vargar þenja kvoft
þröngsýni, heimsku og lúa.
Bloggar | Breytt s.d. kl. 17:47 | Slóð | Facebook | Athugasemdir (0)
3.11.2017 | 21:20
Aumingjar kveina 3.11.17
Fegursti hljómurinn 3.11.13
Ekkert hljómar eins vel
og aumingjar sem kveina.
Höfðingjar og heldri menn
í hlátursköstunum veina.
Allra bestu öskrin fást
aumur grimmt sé riðinn,
- haldið ekki að helvítin
haldi nú um kviðinn??
Nú hefur forsetinn falið Katrínu Jakobsdóttur VG stjórnarmyndunarumboðið illu heilli að mestu líkum því ég tel að Sigmundur sigurvegari kosninganna hefði átt að fá það.
Okkar eldri þingmenn eiga flestir eða allir dapurlega níð- og hrakfallasögur varðandi fátækt í störfum á Alþingi og Katrín ekki síður en aðrir en sem betur fer hafa margir þeirra fanta týnt tölunni.
Svo eru menn að nefna að Flokkur fólksins fari í stjórn með þeim eins og ekkert beri það á milli.
Öryrkja og aldraða vantaði mikið upp á framfærslu til nauðþurfta er kreppan skall á og þá fundu VG
Og Samfylkingin sér helstu leið til fjáröflunar að byrja á að skerða launin þeirra og leiðrétta þau ekki til baka þótt þeir gerðu það við þá hálaunahópa sem síðar komu til skerðingar. Auðvitað hrökluðust þessir óaldaflokkar frá í næstu kosningum með fyrirlitningu allra betri manna á bakinu en þeir hefðu að auki mátt hafa nokkur skóför á botnunum þótt svo það hafi aldrei þótt lánlegt að sparka í hræ.
Þessi skerðing á fátækum ku fyrir nokkuð löngu síðan muna þá 40 þúsund krónum á framfærslu á mánuði og sjálfsagt orðið nú mikið meira. Ég hef lýst þeirri skoðun minni að hefði Sigmundur í næstu ríkisstjórn á eftir komið fram sem heiðarlegur maður og lagfært þetta svínarí gagnvart fátækum, þá hefði hann ekki fengið stærstu mótmæli Íslandssögunnar fyrir spillingu og orðið að hrökklast frá völdum,með skömm, almenningur hefði haft samúð með honum og fyrirgefið honum þótt hann hnyti á siðferðisbrautinni og lygi sér til bjargar.
Að lokum vil ég segja: Mér sýnist sama markmið flokksforingjanna og verið hefur, nema Ingu Snædal og kannski Sigmundar, því ég held hann hafi séð að sér, að finna einhverja sér aumari til að níðast á.
Sneipstu þín Katrín 3.11.17
Þú hefur nítt fátæka,
falskt er þitt geð,
Fyrirlitning minni
vil ég að þér læða.
Ei verður neitt annað
af þessu séð
en ómennsku þína
sé hér um að ræða.
Bloggar | Breytt s.d. kl. 21:53 | Slóð | Facebook | Athugasemdir (0)
Um bloggið
neisti
Heimsóknir
Flettingar
- Í dag (17.5.): 0
- Sl. sólarhring:
- Sl. viku:
- Frá upphafi: 0
Annað
- Innlit í dag: 0
- Innlit sl. viku:
- Gestir í dag: 0
- IP-tölur í dag: 0
Uppfært á 3 mín. fresti.
Skýringar