Ástarljóð 9.5.14

En þrátt fyrir allan helvítis óhroðann og ósóman af pólitíkinni bærist víða ástin og kærleikurinn

og ekki úr vegi að leggja út af því til tilbreytni það sem flestir menn ættu að geta tileinkað sér:

Hún Eva hún var gerð úr Adamsrifi

og ein var stúlka gerð sem væri af mér.

Ég mun elska þig svo lengi sem ég lifi

og lífs ei gleyma stundunum með þér.

 

Er þú birtist barst mér gleði í sinni

sem barns er veit að eru að koma jól

og er þú brostir bjart varð hjá mér inni

birtu sem að legði af morgunsól.

Mikið um undanþágubeiðnir verkfalla 7.5.15

Sigmundur og félagar á sauðheimskunni sitja

með sinnu fasta í dróma þótt sverfi verkfallsgjörð.

- Séu dýrin ekki drepin er dýraverndinni ógnað,

er meðal annarra raka sem mæða á þjóðarhjörð.

Skattar eru bara fyrir okkur- Haffi skrifar m.a. 7.5.15

Takið eftir láglaunafólk: ekki hægt að hækka persónuaflátt né hækka lágmarkslaun í landinu, þvi þá vaknar verðbólgu draugurinn ógurlegi og allt fer til fjandans! Ja það er ekki sama hver fær skattalækkanir eða auðlindir á silfurfati...

 

Skattar á álfyrirtæki lækkaðir:
„Við erum Kongó norðursins“

Bjarni Benediktsson segir það „forgangsmál“ að afnema raforskuskatt á álver. Fjölmiðlamaðurinn Kristinn Hrafnsson segir að álfyrirtækin fari með allt að 80 til 90 milljarða úr landi.

Skattar álfyrirtækja lækka um 1,6 milljarða króna, ef miðað er við árið í fyrra, vegna ákvörðunar ríkisstjórnarinnar um að afnema raforkuskatt. 

Raforkuskatturinn var lagður tímabundið á árið 2009 vegna efnahagskreppunnar, en var framlengdur. Bjarni Benediktsson fjármálaráðherra sagði á fundi Samálssamtaka álfyrirtækja, í vikunni,  að afnám skattsins væri „forgangsmál“.

Forsvarsmenn álveranna eru sakaðir um að blekkja landsmenn með þeirri framsetningu að álverin afli útflutningstekna upp á 227 milljarða króna.

227 milljarða króna útflutningur

Fjölmiðlamaðurinn Kristinn Hrafnsson, talsmaður Wikileaks, er einn þeirra sem gagnrýnir skattalækkunina harðlega. Hann opinberaði á sínum tíma raunverð á raforku til stóriðju. Í ljós kom að Norðurál greiddi 2 krónur á kílóvattsstund, á meðan íslenskur almenningur greiddi 10 krónur á kílóvattstund.

„Á dögunum var tilkynnt á hátíðarsamkomu álfyrirtækjanna (Samáls) að útflutningsverðmæti áls á liðnu ári hefði numið 227 milljörðum króna. Sé miðað við arðsemishlutfallið hjá Norðuráli eru 80-90 milljarðar eftir þegar búið er að borga allan rekstrarkostnað; launin, súrálið, raforkuna og annað. Kastljós hefur svo sýnt hvernig stór hluti hagnaðar fer úr landi vegna skuldsetningar skúffufyrirtækja í aflandsskjólum sem bera öll merki sýndargjörninga. Það er auðvitað galið að þessi tugmilljarða verðmæti verði ekki að stórum hluta eftir innanlands,“ segir Kristinn á Facebook-síðu sinni. Hann líkir Íslandi við nýlenduríkið Kongó, sem á sínum tíma var undir harðri stjórn Leópolds Belgíukonungs.

„Þetta er auðvitað ekkert annað en auðlindaarðrán“

„Þetta er auðvitað ekkert annað en auðlindaarðrán sem helst tíðkast í fátækum og vanþróuðum ríkjum. Við erum Kongó norðursins og landsmenn verða að fara horfast í augu við þá súru staðreynd að draugur Leopolds konungs hefur gengið aftur á Íslandi.“

Copy fra stundin.is

Úlfur í sauðargæru - Haffi skrifar mér m.a. 7.5.15

Folk skal passa sig a Gylfa Arnbjörssyni. Hann vinnur alltaf með atvinnurekendum en ekki þvi fólki sem hann a að vinna fyrir. Þetta er ekkert annað en ,,úlfur í sauðaskinni"

 

Líkja má honum við ríkisstjórnina, lofar öllu fögru en svíkur alla sína menn...

 

Vilhjálmur Birgisson, formaður Verkalýðsfélags Akraness, brást illa við á Facebook-síðu sinni vegna ræðu Gylfa Arnbjörnssonar 1. maí síðastliðinn. Gylfi, forseti ASÍ, lagði til í ræðu sinni að stéttarfélög Íslands myndu sameina krafta sína fyrir bættum kjörum félagsmanna. Að sögn Gylfa myndi sameining 110 þúsund félagsmanna hámarka þrýsting á atvinnurekendur.

„Bara þannig að launafólk átti sig á því hvað forsetinn er að biðja um þá er það að hann fái að stýra og leiða þessar kjaraviðræður við Samtök atvinnulífsins. Ekki gleyma því að Samtök atvinnulífsins eru búin að vera að kalla eftir því opinberlega að ASÍ sjái um að leiða þessar kjaraviðræður sem nú eru í gangi. Það hefur svo sem ekki komið mér á óvart því að sjálfsögðu vilja menn taka aftur upp þráðinn í samræmdu láglaunastefnunni,“ skrifaði Vilhjálmur á Facebook-síðu sína.

Samræmd láglaunastefna

Vilhjálmur segir enn fremur að Gylfi sé einungis að þvælast fyrir meðan aðrir reyna að landa viðunandi samningi fyrir verkafólk.

„Gylfi nei takk, ekki samræmda láglaunastefnu aftur og ég er bara með eina ósk ekki vera að þvælast fyrir“

„Skildi forseti ASÍ vilja taka aftur upp samræmdu láglaunastefnuna sem hann stýrði bæði í kjarasamningunum 2011 og svo aftur í hinum margfræga 2,8% samningi 2013? Takið eftir samningarnir 2011 og 2013 voru undir einum fána 110 þúsund félagsmanna ASÍ og það gaf alls ekki góða raun. Gylfi nei takk, ekki samræmda láglaunastefnu aftur og ég er bara með eina ósk, ekki vera að þvælast fyrir á meðan við eru að reyna að landa viðunandi samningi fyrir verkafólk,“ skrifar Vilhjálmur.

Skaut á Eflingu

Á dögunum deildi Vilhjálmur við formann Eflingar, Sigurð Bessason, en gefið var í skyn á heimasíðu Eflingar að Vilhjálmur hefði ekki gefið rétta mynd af atburðarásinni bak við hækkun bónusa starfsfólks HB Granda. Vilhjálmur sagði það rangt,  VA hefði þvert á móti klárað málið fyrir Eflingu. „Efling er í raun og veru að segja að þeir hafi átt fund með Granda á föstudaginn þar sem viðrað var að það þyrfti að gera eitthvað. Ég á fundi út og suður, þar sem það er talað um að það þurfi að hækka laun, en það þarf síðan að gera hlutina. Það sem gerist í þessu samhengi er að forstjóri fyrirtækisins hefur samband við mig og trúnaðarmenn. Við fundum á mánudegi og hann spyr hvaða laun ég sjái til lausnar á því að lagfæra laun þessa fólks. Ég sagði við hann: „Heyrðu ég skal bara senda þér tillögu, drög að nýjum bónussamning“. Ég sendi honum samninginn, þannig að Verkalýðsfélag Akraness vann þennan bónussamning frá a til ö. Það er ekki nóg að tala, það þarf að vinna líka,“ sagði Vilhjálmur þá. 

Copy fra stundin.is 

Í Klinkinu - Haffi skrifar 6.5.15

Í Klinkinu i gærkveldi ætlaði Hörður Árnason frá Landsvirkjun að baka stærri köku fyrir landann svo arðgreiðslur og laun geti hækkað enn frekar.

En gleymum ekki að þessi kaka verður ekki bökuð fyrir almenning, aðeins fyrir hluthafana sem fá auðlindir okkar á silfurfati. Gaman fyrir okkur almenning að fá bara að borga hærra raforkuverð svo þessir fáu útvöldu geti borðað stærri köku!

Sæstrengur til Englands, give me a break

Haffi skrifaði mér um launamál 5.5.15

Þessi frábæri árangur sem Árni hagfræðingur Landsbankans talaði um i Kastljósi i gærkveldi er náttúrulega algjört kjaftæði! Síðustu kjarasamningar hljóðuðu uppá kauphækkun lægstu launa kr:190 á dag. Og svona sem lítið dæmi þá hefur 1 stk grillaður kjúkklingar frá Hagkaup hækkað úr kr1198 uppí kr:1456 eða sem nemur kr:258 eða kr:68 meira en fullur vinnudagur hjá verkamanninn.

Er þetta það sem kallað er gríðarlegur kaupmáttur launa? Víglundur talaði um að ekkert nágrannalanda okkar hækkaði laun um meira en 1-2% en hvað hafa þeir gert undanfarið? Þeir hafa hækkað laun lækna og sinna sjálfra um tugir prósenta á stuttum tíma, en svo ma ekki hækka laun verkamanna nema um 1-3%.

En gleymum ekki þvi að fyrir lægstu laun i Noregi getur þu keypt 1800 litra af bensíni (þar er bensín dýrast i Evrópu) en fyrir làgmarkslaun a Íslandi aðeins 800litra (ódýrast i Evrópu) svo það er ekkert skrýtið að þar hækki laun ekki nema um örfá prósent i senn. En þar sem laun íslenskra verkamanna hafa verið skilin eftir með smánar kauphækkunum undanfarin ár, þa er tími til komin að leiðrétta þau og það STRAX!

Og hlusta a þetta bull að vextir hækki ef lágmarkslaun hækki i kr;300,000 vextir hafa verið minnst 6-8% of háir síðastliðna 12 mánuði miðað við verðbólgu, sem sýnir það að Alþingi og seðlabankastjóri hafa enga stjórn a peningamálum þrátt fyrir laga verðbólgu. Sem synir enn og aftur að þeir ráða ekkert við efnahagsmál þjóðarinnar. Við þurfum fólk við völd samfélagsins sem ráða við efnahagsmálin en ekki viðvaninga.

Skyldi verkalýðsforustan bregðast eina ferðina enn? 5.5.15

Gunnars Thoroddsen leiddi ríkisstjórn 1980 – Sú stjórn var blönduð vinstri mönnum.  Hún hækkaði laun lækna það ár 10 sinnum meira en verkalýðsins.  Ekki man ég til að heyrðist múkk í verkalýðsforingjunum hvað þá að lýðurinn gerði uppreisn gegn misréttinu.

Nú láta verkalýðsforingar svo að þeir ætli ekki að láta það sama endurtaka sig án átaka enda mikið breyst varðandi hlutdeild almennings opinberlega. Það er erfitt fyrir verkalýðsforingja og allra í barátta hverri sem er ef baklandið vantar.

Ég tel ríkisstjórnina hafa lagt línurnar til launaþróunar í landinu með fyrri samningum við ríkisstarfsmenn og að henni beri að klára leikinn hvernig svo sem hún hefur reiknað dæmið en að öðrum kosti að fara frá hvað svo sem tæki við. 

Það er nú annað ár en 1980 en sagt að allt snúist í hring og að sama sagan endurtaki sig ævinlega aftur og aftur.  Skyldi verkalýðsforustan bregðast eina ferðina enn? Getur nokkur ætlað svo slæmt að Gylfi Arnbjörnsson hafi alltaf verið á mála hjá auðvaldinu?

Óvöndugheitin 5.5.15

Óvöndugheitin eru vítt

og ei á höndum fárra.

Vinstri stjórnin veitti lítt

viðgjörning til smárra.

 

Sú hægri er ekki lúaleg

að lemja mjóu bökin.

Kunn er hún á Heljarveg

að herða þrælatökin.

Haffi skrifaði mér um launamál 4.5.15

Lægstu laun ættu ekki að vera nema helmingi minni en ,,hæstu laun" þ.e.a.s. Lægstu laun lækna núna eftir þeirra kjarasamninga eru kr:1200-1300,000 á mánuði. (Þeir fengu kr:200-300 þus kr hækkun pr mán) Þannig að lægstu laun ættu þa að vera með réttu kr:680,000 eða ef ríkið kæmi að samningaborðinu þa væri kr:416,000 ásættanlegt með tilkomu hækkunar personuasláttar í kr:416,000 á mán.

 

Munum það að það eru þeir lægst launuðu sem bera byrðarnar af námslánum og námi lækna og annara mentamanna þessa lands. Þannig að launamunurinn má ekki vera meiri þar sem mentamaðurinn er allt að heilli mannsævi að borga upp sín námslán. Fyrir utan það hvað kostar ríkið að hafa einn einstakling i námi i allt að tíu ár, og svo hverfur hann kanski bara til starfa erlendis?

 

Gaman að sjá hvernig læknar tala núna niður til starfsmanna spítalanna með að þeir séu að stofna lífi og heilsu almennings i lífshættu fyrir að standa í verkfalli, ég man nú ekki betur en við og þetta sama fólk hafi staðið með læknum í sinni launbaráttu, en það er ekki það sama hvað þá varðar, þá var enginn í lífshættu og þetta eina vopn þeirra til að fá sína launa greiðendur (ríkið) að samningaborðinu.

Sorglegt hvað verið er að fara fram á litla launahækkun lægstu launa, aðeins kr:300,000 á mánuði til næstu 3ára, þetta er langt undir neysluviðmiði einstaklings. Og hvaða bull er þetta til 3ára? Best að gera samning til eins árs í senn, til að sjá hvort hér hækki allt upp úr öllu valdi og ef það gerist ekki þá má framlengja samninginn til eins árs í senn, en ef allt hækkar um 10% eða meira þá þarf að endursemja.

 

Hér hefur allt hækkað um 100-150% frá hruni og 10-20% á síðustu 10 mánuðum. Svo svona launahækkun til þriggja ára er algjörlega óásættanleg og til háborinnar skammar og er ekkert annað en móðgun við almennan verkamann. Eða sættir fólk sig bara við að fá ís í eftirmat fyrir vel unnin störf?

,,Innistæðulausir tékkar er yfirskrift Sigmundar Davíðs á pistli sínum á Vísi

Þar segir hann þetta í greinarlokin:

,, Allir ættu að vera meðvitaðir um afleiðingar þess fyrir samfélagið ef gerðir verða samningar sem leiða til víxlverkunar launa og verðlags. Aðilar vinnumarkaðarins þurfa að finna lausn sem skapar réttláta dreifingu þeirra auknu verðmæta sem eru að verða til. Ríkisstjórnin ítrekar vilja sinn til að liðka fyrir gerð slíkra samninga. 
Ég sendi öllu launafólki í landinu góðar kveðjur á baráttudegi verkafólks“.

 

Mér varð á að hugsa er ég las eitt þetta endemis blekkingarbullið enn:  Skyldi Sigmundur Davíð og aðilar vinnumarkaðarins hafa verið meðvitundarlausir um afleiðingar er þeir lögðu drög að þeirri launaþróun sem að eftir myndi koma fyrir samfélagið er þeir skenktu hálaunastétt lækna 50- 70% ofan á kaupið sitt sem er staðreynd að sögn vísra manna og að muni vera 200-300 þúsund króna hækkun á launum þeirra á mánuði?

 

Ég get ekki stillt mig um að bæta aðeins við þessa athugasemd mína: Mikið djöfull er meirihluti þjóðarinnar heimskur að kjósa stefnumið þessara flokka eiginhagsmunahyggju og vinavæðinga yfir sig aftur og aftur hvernig sem þeir níða almúgann og hrúga undir auðvaldið á kostnað þeirra.

 

- Enginn skapar sig sjálfur,

sem er í heiminn borinn.

Sigmundur heill sem hálfur

hrauna oss lætur gorinn.