Þrifnaður 31.7.14

Af þrifnaði gerist margur móður,

 mörg er þó slökun ölvunar.

- Mikill þrifnaður mæta er góður

en meira þó oft til bölvunar.

Hvar skyldi hún eiga að standa styttan af Hönnu Birnu 31.7.14

Við erum hér á Íslandi

og því er allt leyfilegt

í stjórnsýslunni,

hvernig sem embættismennirnir

bramla niður og brjóta

og brjóta af sér.

Oss blöskrar það margt

 erum þó löngu orðin samdauna

flestri fýlu hinna rotnandi sálna.

Þær halda þó stöðu sinni og reisn

hvernig sem allt veltist og hrærist

eins og dæmin sanna.

-  Nú var verið að stallsetja tvo

af fyrirlitlegustu níðforkólfum

fortíðarvandamálanna

sem diplómatíska sendiherra

og stytta af Hönnu Birnu

ku vera komin á teikniborðið, 

fyrir Alþingisgarðinn, trúlega?

- Svona vill þjóðin hafa þetta

- það kusu þá allir nema ég- 

og hún mun endurkjósa þá aftur

hvernig sem þeir haga sér! 

Ýmsar eru meiningarnar 28.7.14

Að heimurinn bjóði upp á hvað eina

og hendingin ráði hvernig allt fer

að manninn megi ávallt lengi reyna

til manndóms og kosta hver er,

það hafa margir viljað meina.

Við helgiathöfn 29.7.14

Nú er messa á Munaðarhóli

mun í flutning´ ræðan slyng.

Hvar er sælla á byggðu bóli

og betra að vera strákalyng?

Flugufréttir 27.7.14

Gaspur fer tíðum vítt um völlu,

- vit fær látið standa á sér.

Ekki er gott að gleypa við öllu,

það getur staðið illa í þér.

Lífsgleði 26.7.14

Lífsglaðir sig í ljósi baða,

leika tíðum vitleysing.

Það er ekkert varið í óruglaða,

oft sem mesta staðarþig.

Hamingjan 25.7.14

Deilur ýmsum mæðir mátt,

margan hefur leikið grátt,

oft er grátið ansi hátt,

- til að öðlast hamingju þarf sátt.

Góðgerðir 24.7.14

Knapplega margur kreistir af sér,

kastar vart beini í hund.

- Þangað er gengið sem gefið er,

glatt er þar marga stund.

Greiðasemin 23.7.14

Úr ausunni sjálfkrafa kemur ei kál,

kann þurfa hjálp við margt bras.

Sumum eru greiðarnir allsekkert mál,

öðrum bara nöldur og fjas.

Oft duga engin ráð 23.7.14

Ég hefi þrusað marga messu,

magnaðar klausur oft ég spinn.

- Þú átt ekki að vera að þessu

þú hefur það ekki í þér Einar minn,

sagði konan mín sem réði flestu

af sinni dáðríku festu

en fékk ei við ráðið í þetta sinn.