Spakmæli dagsins 8.8.14

Það er mikið gott í fólki flestu

en til þess að fram því að ná

þarf oft framkomuna bestu.

Tengdabörnin 8.8.14

Göfga og bæta genin sín

er geði flestra að kjósa,

tengdabörnin tel ég mín

af tegundinni rósa.

Um skaðann 7.8.14

Margur gerist magnaður skaðinn

og margur ei af sér ber

en ætíð kemur eitthvað í staðinn

upp í hendurnar á þér.

Ofát 7.8.14

Í gær var kjöt og karrý

ég kalla það veislumat

í dag er ég með lumbru

því á mér ei setið gat

að éta heldur of mikið

svo af því biði tjón

ofát ku oft því fylgja

að vera árans flón.

Líkur sækir líkan heim 6.8.14

Sumir ei með öllum mjöllum

eru á ferli um mitt hlað,

- sagðir ganga ekki á öllum,

hökta bara og valla það.

Skilgreining Feminisma 6.8.14

- Feminismi er forréttarhyggja

með annað kynið í fyrirrúmi

og alla bölvun hinu að kenna!

Ástir tál og reitur 4.8.13

Þeim sækist illa er sitja á beitunum

og sinna ei lífsins táli.                 

Þó eru sumir sem sækja eftir reitunum

og sætleiki skiptir ei máli.

Gróðafíkn 4.8.14

Til gróðafíknar ansi mörgum

engin halda bönd

 og allavega með kröfurnar

sem að menn gera

en það þurfa allir að hafa

eitthvað í sína hönd

annars vantar tilganginn

og best að láta vera.

Að pissa út fyrir 4.8.14

Ég pissa aldrei út fyrir

þegar ég pissa í klósettið

en ef að það hendir

þurrka ég það alltaf upp,

- með sokkunum!

Gættu að þér stubbur 3.8.14

Ef einhver vill leiðindi og að þér fer

er eins gott að svipt´ann  strax móði:

- Ég hef slökkt í stærri stubbum en þér,

stattu því fjær mér góði.