Bikarkeppni sveitar Lögfæðistofu Íslands fór 160 gegn 43 impum 20.7.2013

Snilldin má títt hampa happi,

hetjudáðir ríkar kenni.

- Það er erfitt að etja kappi

við ofurmenni.

Skítur úr hnefum 20.7.13

Ríkra er það saga segin,

setja kosti fólki í nauðum,

- litlu verður Vöggur feginn,

vandfýsin ei hæfir snauðum. 

Gullkorn lífsins 19.7.13

Andinn er orkusafn eljunnar

sem att er á lífsins torgum,

ástríðan uppspretta gleðinnar

og yndið er þeirra borgun.

Slæmir verslunarhættir 2013

Víkurbúð rekin er hér vits í tráss’,

vandast þar ei um gerðir.

Verslunarstjórinn ,,motormouth”

munnræpuna herðir.

 

Oft þær róla á ysta núp,

elta grátt við náungann.

Úr veröld hverfa í dökku djúp

drambsemin og fáviskan.

Stund milli stríða 14.7.13

Skapsmunir sækja vilja skynseminni ríða,

skellur í hurðum er falla að stöfum.

- Það er stundin milli stríða,

sem stjórnar hvort í sambandi við löfum.

Rétta svarið 12.7.13

Hampirðu folanum hressa

hryssan kann móti barið.

Að taka þá káið af klessa

kann vera rétta svarið.

Undirskriftir forseta Íslands

Ég veit ekki til hvers annars forseti vor framlengdi sig í embættinu og var kosinn til af þjóðinni en einmitt til þess að standa vörð um það sem ég tel að hafi leikið vafi á að aðrir frambjóðendur væru menn til, þ.e.a.s. um að lýðræðið í landinu væri virt sem vera ber. Ég tel þá skildu alltaf hafa verið á forsetunum þótt einskis væri virt fyrri en núverandi forseti sýndi af sér þann manndóm að gera það. Ég tel að hvaða lög sem eru stór sem smá eigi forsetinn að neita undirskrifta ef vafi leikur á að meiri hluti þjóðarinnar séu þeim fylgjandi og að þjóðarvandinn væri ekki mikill ef svo hefði verið.   Ég tel það sem örlög að andsettar níðsálir taki sér bólfestu aftur og aftur á Alþingi.

 

Leikur og fullkomnun 7.7.13

Fólk er allt lífið að leika

og leita sér fullkomnunar

en hún vill af öllu helst skeika,

- hendir þá síst menn grunar.

Hestamennska í Norðfirði 4.7.13

Ég er orðinn gamlaður og lakkalegur í hreyfingum.  Snúningarnir við hestana mæða á Ása félaga mínum.  Ég sat í bíl mínum og horfði á Ása er hann sorteraði hesta nágrannans frá okkar hestum.  Ég dáðist að einstakri lægni hans eins og svo oft áður og orti ljóð dagsins:

 

Hestamennskan er helst okkar fag

er höfum við miðlað hér flestum,

- unun að horfa á það einstaka lag

sem Ási minn hefur á hestum.

Lofthræðsla 4.7.13

Lofthræddur maður elskaði ekkert smá

sem oft á tíðum reyndist mesta pína.

Já, og allur fjandinn getur nú gerst,

það gremju honum vakti mest

að þora aldrei uppá

eiginkonu sína.

Máttleysi andans 29.6.13

Þegar bitist er á um kvenfólk svo ég tali ekki um að sé vín í spilinu þá vil Djöfullinn verða laus. Ég lagði þetta út af óförum vinar míns:

 

- Margur lýgur meira en hann mígur,

máttleysi andans þér lákúru skilar.

Fátt er jafn krassandi og kunturýgur,

kann og við bætast ef vín inní spilar.

 

Menn taka brýnur og sakir til spranga

svo sár opin gapa og hugraunir vaka.

Ei skaltu vinur minn værðar til ganga

að verði ekki reynt til jafnaðar saka.