Að pissa út fyrir 4.8.14

Ég pissa aldrei út fyrir

þegar ég pissa í klósettið

en ef að það hendir

þurrka ég það alltaf upp,

- með sokkunum!

Gættu að þér stubbur 3.8.14

Ef einhver vill leiðindi og að þér fer

er eins gott að svipt´ann  strax móði:

- Ég hef slökkt í stærri stubbum en þér,

stattu því fjær mér góði.

Uppgjöf í kvennamálum 3.8.14

Til ástarfunda margur veginn rann

móður til og slapp í djúpa fellingu.

Uppgjöf tel fyrir ungan mann

að festa sig barnakellingu.

Hnökrar 3.8.14

Þú kemst ei gegnum lífið alltaf slétt,

við ýmsa hnökra kallar ríkust dáðin.

- Fyrsta hugboð er ekki allaf rétt,

oft má dýpri hyggja bæta ráðin.

Ostur 3.8.14

Feitur ostur finnst mér góður,

eða frekara að segja ágætur

sá magri ekki minn á hróður,

minnir mig helst á skóbætur.

Eyrnabólga 2.8.14

Fyrrum blés oft Kári kólgu

og klæðin bág til varnanna

en ei man ég eftir eyrnabólgu

í uppvextinum barnanna.

 

Nú er hún orðin ógnarvandi

og árans böl á flestum stað

fyrst ekki er hún erfðavandi

öðru verður að kenna það.

Af spakmælum Svarra 1.8.14

Viljir þú eignast ögn af sonum

ei skaltu tefla á tæpasta vað

 að mæna eftir menntakonum,

sem munu ei hafa tíma í það.

 

Umhverfið gerir alla vana bundnum

ei skaltu venja börnin svefnstyggð á.

Í Skálateigi hljótt var ekki á stundum

og eigi man ég sussað á nokkurn þá.

Sultur 1.8.14

Það sést ekki á mér sultarinnar gengdin,

sællegur er ég og ístran bærileg

en það er þó alltaf ljóta árans svengdin

og enginn er svangur nema bara ég.

Léttleiki andans 1.8.14

Að lesa í hugsanir læðist að,

ljóst má oft slík tengsli finna.

Ég kann þetta litla dæmi um það

er þannig vil ykkur nú kynna:

 

Gleður hjörtun vel sé drukkið vín,

varð mér í huga eitt sinni,

- allt er í góðu gengi og sólin skín!

Gall þá við í konu minni.

Þrifnaður 31.7.14

Af þrifnaði gerist margur móður,

 mörg er þó slökun ölvunar.

- Mikill þrifnaður mæta er góður

en meira þó oft til bölvunar.