Megi nú almættið skerast í leikinn 11.6.13

Ég spáði Sigmundi á upphafsdögum hans á Alþingi að hann ætti eftir að verða mikill leiðtogi og óvenju heiðarlegur.  Nú sýnist mér syrta í álinn.  Enn skorti á réttlætið launa í ræðu hans á Alþingi í gær.  Ég bið og legg á hann bölvun almættisins ef heldur sem horfir með það:

 

Að birtist þér Sigmundur bölvunin römm

ég bið helga vætti að gefa þér í kvitt

ef að siturðu fastur á svívirðu og skömm

og sinnir ei jafnt um kaup mitt og þitt.

 

Það veit enginn á hvað stundu er mælt,

- oft eru í loftinu veðurbrigði skjót.

Alþingi hefur gert sér við aumingja dælt

en undir sig mulið það sjálftökudót.