Hænufet til friðarauka 26.6.13

Nú hefur það verið staðfest sem legið hefur í loftinu eftir kosningar að aldraðir og öryrkjar eigi ekki að fá leiðréttingar á skerðingum sínum eins og þingmenn tóku fyrir sjálfa sig og aðra hálaunamenn.  Það hljóta vera mikil vonbrygði allra í þessum þjóðfélagshópi.  Þeir hafa verið skertir miðað við þær tölur er nú heyrast, um 1600 milljónir á ári hverju síðan kreppan skall á.  Þessi hópur manna á því skildinginn inni miðað við það réttlæti er þigmenn töldu sér bera til leiðréttinga og gerðu hér fordæmi um.  Þarna er um að ræða ein af svívirðilegu kosningasvikum vinstri manna og aumingjans ræflarnir þeir arna urðu að gjalda fyrir með afhroði í kosningunum. 

 

Þeir skilja samt ekkert í öllu því vanþakklæti fólksins og óréttlætinu og hafa miklað sig stöðugt yfir að hafa staðið vörð um þá verst settu og varið kjör þeirra.  Jafnaðarmennskan sannaði sig best hjá þeim er þeir byrjuðu á að borga hálaunamönnum skerðingar launa sinna en létu hina blásnauðu sitja á hakanum.  Þeir geta núna belgt sig út í stjórnarandstöðunni um kosningarsvik nýju stjórnarinnar og að hún geri ekkert fyrir þessa aðila.  Það er þó sá munurinn á þeim og þessari ríkisstjórn að hún sýnir þó einhvern lit til betri vega. 

 

Kallar það svo bara fyrir skref í áttina til bættra kjara.  Segja að það taki bara mikinn tíma og að velferð Dana, sem er mikið betri en okkar, til að ná sínum markmiðum hafi tekið 100 ár.  Sýnist mér þó frekar eða alveg eins geta verið til að friða þjóðina í bili frá blóðugri uppreisn við síendurteknum svikum og níði sem stjórnvöld hér hafa beitt smælingjana til að geta hlaðið undir sjálfa sig og vini sína.

 

Mannleysurnar 26.6.13

Aumingjar fara oft á svig

og æruskarnar kvika,

mannleysurnar merja sig

milli loforða og svika.