Haffi skrifaði mér - Handónýtt skattkerfi 1.4.16

Hvernig ma það vera að eignir ríkisins séu seldar í lokuðu ferli? Það segir sig sjálft að þar eru menn að koma undan eignum til sín og sinna vandamanna. Svona lagað ætti að vera alvarlegt lögbrot og fangelsisvist ætti að liggja að baki slíkra athafna. Einnig ætti að leggja niður Fjármálaeftirlitið, það gerði ekkert gagn fyrir hrun og er enn að gera ógagn og kostar Ríkisjóð hundruð milljóna/milljarða á ári.

Aldrei læra forráðamenn/þingmenn á fyrri reynslu og eða af reynslu annara þjóða. Við virðumst vera svo miklir molbúa menn að þurfa að finna upp hjólið í hvert sinn...

Frábært ef skattaskjól eru allt í einu orðin lögleg, þ.e.a.s. Að þar séu menn ekkert endilega að svíkja undan skatti, en séu samt að borga lægri skatta ,,löglega" frekar en að geyma féð hér heima.

Nú eru sömu menn að láta elta uppi smá skattsvikara á Íslandi, fólk sem er að reyna að ná endum saman og gerir það allt hér heima.

Ég held að nú sé rétti tíminn fyrir venjuleg fyrirtæki að opna reikninga á Jómfrúar eyjunum og borga þar lægri en löglega skatta og þurfa þá ekki að láta taka sig í bólinu hér heima fyrir vegna skatta undanskota.