Skyldu bófar og misyndinmenn ekki traustustu vinirnir er á reynir? 23.5.16

Þjóðin okkar er alls til vís varðandi fylgi sitt, það hefur hún margsýnt á hinn ótrúlegasta hátt í kosningum. Ég vil nefna þar dæmið frá því að Davíð og Halldór heitinn hlutu sína rússnesku kosningu eða trúlega þá albestu á ferli sínum er þeir stjórnuðu landi okkar forðum:

Þá var nýbúið að dæma þá ásamt öllum félögum þeirra í báðum þessum núverandi stjórnarflokkum fyrir Hæstarétti Íslands fyrir siðleysi og mannréttindabrot á öryrkjum og lægra er nú vart hægt að leggjast í aumingjaskap og ömulegri útreið að mínu viti en meiri hluti þjóðarinnar virtist kunna vel að meta þetta.

Einn úr þessum hópi hefur verið ríkulega verðlaunaður af þessum flokkum sem forseti Alþingis að undanförnu og er það bara svo ekki í takt við þá siði sem verið hafa þrautsetnir í efsta þjóðlífi hér og víða annarsstaðar í heiminum að verðlauna formanninn fyrir öllu saman? Davíð, Davíð í forsetaembættið...