Lítið hefur breyst í pólitíkinni frá því fyrir réttu ári síðan

Fyrir nokkru fór tölvuþjónustan, hver sem hún annars er að setja inn ,,Memories" frá sömu dagsetningum á árum áður. Ég var að hugsa í dag að því sem ég bloggaði sama dag í fyrra gæti alveg eins hafa gerst í gjær svo gjörsamlega væri siðleysi og spilling stjórnmálanna óbreytt síðan og set því blogg mín þann dag aftur inn - og munið að kjósa ekki Fjórflokkinn:

Segðu af þér Sigmundur 15.9.15
Oft til vega viðundur
veður í fenið gljúpt!
Segðu af þér Sigmundur,
sokkinn ert of djúpt!

Samkvæmt landslögum, best ég veit, á kaup aldraðra og öryrkja að fylgja eftir launaþróun annarra í landinu. Nú liggur fyrir í fjárlögum að svo muni ekki verða hvað sem lög um segja og að þeir fái ekki greiddar aftur í tímann þær hækkanir sem aðrir hafa fengið mörgum mánuðum fyrr sem er auðvitað helber níðingsháttur, svik og svínarí við þessa aumustu og lægst launuðu og þegna landsins.

En engar breytingar til betri vega fyrir fátæka og sjúka í landinu máttu vera fyrirvitaðar öllum landsmönnum þótt ekki væru þeir meira en mikið minna en hálfvitar ef að þeir kysu Fjórflokkinn svo oft sem hann hefur brugðist trúnaði sínum og alið á örbyrgð og fátækt stórs hluta þjóðarinnar en hlaðið auði takmarkalaust undir aðra á þeirra kostnað.

Sigmundar Davíðs sálin brenni,
- svíðinga er bágt að brúka!
Slíkt gerir ei nema siðlaust ómenni,
svíkja laun við aldraða og sjúka!

Á sukkveginum 15.9.15
Sífellt vandi sækir á þig
sukkvegi á hröðum!
Illt er að flýja sjálfan sig
svo ei verði að sköðum!
Það skiptir engu hvað þú átt
heldur hverja þú dregur að þér!
Einn vinur er ekki mikið
en það fer eftir því hver hann er!