Opið bréf til forsætisráðherra Bjarna Ben um gamalmenni og öryrkja 19.1.17

Gott kvöld forsætisráðherra Íslands Bjarni Ben.

 

Þú áttir þinn þátt með framsókn í því á síðasta kjörtímabili að leiðrétta ekki þær skerðingar sem vinstri stjórnin gerði á öryrkjum og öldruðum.

 

Ég hef lesið á vefmiðlum að það nemi nú 60 - 70 þúsundum á mánuði sem okkur í þessum hópi hefur vantað á kaupið okkar og er þar um vöntun að ræða sem varað hefur til fjölda ára.

 

Ég skrifaði Sigmundi Davíð opið bréf á sínum tíma, eins og ég geri þér núna og sagði honum að ég leggði á hann ófarir og bölvun ef hann leiðrétti ekki launin mín á við sín laun en eins og alþjóð veit fengu allir hálaunamenn leiðréttingar á þeim alla leið til baka og allskyns fríðindi að auki að minnsta kosti þingmennirnir.

 

Man ég þar t.d. til að nefna frí gleraugu og væri það ekki ofætlað af ríkissjóði til handa mínum launaflokki ásamt heyrnartækjum því fæstir þeirra munu hafa nokkra fjárhagsgetu til slíkra kaupa frekar en til annara hluta þótt sárlefa vanti.

 

Þótt maður losni við eitt óbermið og óþokkann úr trúnaðarstöðu við almenning þá sprettur bara upp annar í staðin. Það dæmi tel ég sannast hér rækilega að þú skulir Bjarni taka við forsæti ríkissjórnar af Sigmundi Davíð.

 

En það er annað að upplifa níð af ,,Pétri og Páli" en að upllifa að það séu alltaf sömu mennirnir að fara illa með mann. Mér finnst þú Bjarni Ben hafa komist upp með það alltof lengi og er mér sagt af þeim sem lagt hafa á sig að lesa stjórnarsáttmála þinnar nýju ríkisstjórnar að ekki bóli þar neitt á að bættur verði hagur aldraðra og öryrkja.

 

Ég sé ekkert annað ráð í stöðunni sem mér mætti til bættrar stöðu verða en að ákalla almættið og biðja það um aðstoð við að rétta upp auðvaldsklær þínar sem þú hefur kreist svo fast og lengi að fátæklingum á Íslandi og leggja á þig ríkulegar hörmungar og bölvun fyrir vikið.

 

Ég vona fljótt þú verðir hrakinn frá,

sem villidýr þú hættir bága að reita.

Það ku vera erfitt við almættinu sjá

ef í máli af festu vill sér beita.

 

Kveðja Einar Sigfússon

 

Es eftir á að hyggja held ég að í sögum frá fyrri öldum þar sem títt var að lagt væri á menn og skepnur að þeim hafi tíðast eða alltaf verið gefinn kostur á að sleppa undan álögum eða að milda þau verulega. Ég gaf Sigmundi kost á því í þessu máli og geri nú hið sama við Bjarna:

 

Ég vil biðja almættið að sleppa Bjarna Ben við harðar refsingar þessara níðgerða sinna ef að hann heitir að bæta ráð sitt varðandi hlunnfarir á aumingjum þótt svo ekki sé gert nema í hljóði og sér um á fyrsta næstkomandi þingi að greiða mér og mínum launahópi hið bráðasta það sem af okkur var tekið framreiknað með vöxtum og vaxtavöxtum þrjú ár aftur í tímann. ES