Milli einskis og hvergi

Ríkisstjórnin er gáskagleið

en glötuð öllum mergi.

Mun henni vera mörkuð leið

milli einskis og hvergi.

Samfylkingin 29.12.2011

Ausa landsfé í auðlegðarhýt,

auma þeir svíkja og plaga.

Þessi flokkur er fullur af skít

og flestum til mikils baga.

Jólakveðja 24.12.2011

Yndið jóla oss auðnan gefi

með áti og góðu jólaöli,

gjöfum, söng og góðu stefi

og gleði fjærri öllu böli.

Sendi ykkur kveðjuknús,

kvæðið er komið í hús.

Svo mælti skáldið 20.12.11

Væri ég metinn af magni ljóða

en ei gæðum

og mældur til góða

af skrokki digrum

vantaði ei lof í hæstum hæðum

og hampað gæti stórum sigrum.

Gunnar Birgis 17.12.11

Óð í sukki upp i kvið,

átti takta snjalla.

- Reglur eiga ei alltaf við,

einkahagir kalla.

Elítan 16.12.11

Elítan gráðuga með röfl og rakk

rænir þá aumu og níðir í krísu.

Í hundafóður vil hafa það pakk

höfðunum stytt á franska vísu.

Steingrímur 12.12.11

Er sem tróni á tindi

sem óðan af hrynur

í krafti afls og yndi

öll skepnan stynur.

 

Margt í lífi mælist strangt

og margir á því kantar.

Ekki kemstu ýkja langt

ef að kjarkinn vantar.

 

Ýmsir út um bý og borg

bera tár og reka upp org:

- Komist íhald að

allt fer í spað.

,,Den tid, den sorg"!

Hin frjálsu fjárglæfralög 2012

Með pálmann í glæpagreipunum

gott ei Steingrím tefur.

Þingheimur laflaust í reipunum

lúrir hjá og sefur.

Ættargenin 6.12.11

Enginn á sína ættina að venja

ættargenin móta þig og þenja.

Það er ekki alveg sama

hvaðan maður er sprottinn.

Einn fær dílað drama

annar gjöf í lukkupottinn.

Jólahugvekja 2011

Hugsum stórt en lítum lágt,

líknum þeim sem eiga bágt.

Góði Jésús gef oss þor

svo gengið fáum í þín spor.