Á horriminni 2013

Horrimin er háttum nær,

hart að mörgum sverfur.

Alþingi er hún einkar kær

ei þeim gæskan hverfur.

 

Karlinn sagði sjáðu sko:

- Sáttir vel sér hegða,

það er vandinn víst er svo

að vill því út af bregða.

 

Á hér lítill enga vernd?

Andakt síðan stundi:

- Það er raun að vera

með réttlætiskennd

og riðið eins og hundi.

 

Gróðahyskið ,,gradólera”,

grafir blasa öðrum hér.

Þeir sem enga ábyrgð bera

allt þeir mega leyfa sér.

Elliglöp öryrkjans 2012

Samfylking nefnist sóðaþý

sú lætur verkin heita.

Fátæka að taka aftan í

öllum ráðum beita.

 

Þetta er auma ástandið,
allt er byggt á sandi
en senn mun koma sjálfstæðið
og sómann draga að landi.

Á landráðaveginum 2012

Villast kappar vits af leið,

vinstri og hæri póla.

Jóhönnu ljósast lífið beið

landráðaveginn hjóla.

Þing Jóu og Steina 2012

Þau eiga langa sælusögu,

sukk að vaða upp í kvið.

Jóa og Steini draga drögu

og dæla fé í auðvaldið.

 

Góðu málin liggja í lág,

ljósast stór er vandinn,

ríkisstjórn í burðum bág,

brotinn margur landinn.

 

Þingið laun sín lagað gat,

ljúf eru Steini og Jóa,

öryrkinn fær ei fyrir mat,

fær þó skatta nóga.

 

Leikið er vort lífsins tál

lygið eins og fjandinn,

þar vilja öll merkust mál

mestan renna í sandinn.

 

Enginn er sem Árni Páll

Ýmsir mala og um sig slá,

ekkert markvert segja.

Vandamál margt væri frá

vit hefðu til að þegja.

Úti að aka 2010

Mörg hefur döpur sora sýn

sveipað heimsins stræti

kúgara sem kalla má svín

og kunnu sér engin læti.

 

Ríkisstjórnin er úti að aka

ei er klaufum gefið lag.

Réttri hönd í rass að taka

reynist ekki þeirra fag.

 

Gerist fátt um góða hluti

gleymast loforð allsstaðar.

Ámátlegur auðvaldsputi

er að sliga þjóðarskar.

 

Vinstri stjórnin líknarlétt

líkleg er til að velta.

Fjármagn er í forgang sett

og fólkið látið svelta.

 

Eflaust brosir íhaldslið

og æpir hvað það getur

hóti skárra ef haldið þið?

Hugsið þá málið betur.

Að þrauka af

Maður lifir bara einu sinni
og á með sér sjálfur
einsamall telst hann
vart meira en hálfur.

Í þrautum og gleði
hann þráir að standa
og þrauka af
hvar sem dvelur til landa.

 

Í Afríku er fólk ei feitt
fátækt sker og þrúgar.
Samt þeir brosa út í eitt
Afríkubúar.

Hróður

Með ágæti sínu að auka hróður,

oft er köllun góð og merk

en það er ei nóg að vilja vera góður,

- vandinn er að koma því í verk.

 

Ef lifir þú dauður þín lífsorka er flöt

þótt ljúf séu klæði og finnist ei göt

þá er för þín snauð,

- þetta eru dauðs manns föt.

 

Að ganga veg réttlætis gerist ei létt,

góður þó helst vill það reyna.

Hvað sem þú gerir þá gerðu það rétt,

- glöp eru rót flestra meina.

 

En erfiður vill það reynast róður,

röfl því títt mun beinist að,

- það er meira mál að vera góður

en að vilja bara vera það.

Lífið

Það er raun og gatan grýtt

gisting´ ná í trássi

en þar sem er í hjarta hlýtt

þar er nóg af plássi.

Fengitíð

Menn þær elta í erg og gríð

í þær títt er mokað

en fjaðraskraut í fengitíð

fá mætti ýmsu þokað.