Móðirin 29.10.14

Ég vinn oft svo mikið

að af því fæ strengi

því hátt er ekki kaupið

og erfitt að fleyta sér.

Í útréttingar fer ég

og oft er þreytt og lengi

því anga litlu skinnin

hanga í fótunum á mér.

Láttu sem ég viti það 29.10.14

Hvaða mannlegir þættir skildu stjórna því að fólk kjósi yfir sig sömu trúnar- og forvígismennina sem marg hafa svikið sín loforð við það og hlunnfarið það aftur og aftur árum og jafnvel áratugum saman og meira að segja þrátt fyrir að margir aðrir möguleikar áður óreyndir séu í boði eins og t.d. í pólitíkinni á Íslandi á síðari tímum.  

Ætli hin þrældrepna þjóð okkar í kosningar og verkalýðsmálum geti nú sem fyrr um langan tíma ekki losað alþýðuna við Gylfa Arnbjörnsson sem ég tel vera orðinn nógu dýr (að ég tel um hundraðruðir milljarða hlunnfarnaður fyrir bankana og auðvaldið) við að vinna málstað hennar sviksamlega þrátt fyrir oft góð upphlaup í orðræðu fjölmiðla, - menn verða að gera ýmislegt til að sýnast og halda þægilegu djoppi sem gefur af sér margföld verkamannalaun!

Í forsvari margur oft hofs hefur móð

með hrakmenni að deila út raunum.

Að standa einn með viti gegn vitlausri þjóð

virðing´ fær sjaldan að launum.

Sénsinn 29.10.14

Ein fór konan upp með glens

andagift að smíða:

Sú er aum sem hefur ei séns,

- allir vilja ríða!

Geir Haarde sendiherra

Betra er góða að eiga að

er á bjátar vandinn. 

Þó hann legði þjóð í svað

þroskast gæti andinn.

Beiðni/ áskorun til 7 þingmanna 28.10.14

Einar Sigfússon <[e-mail]>	19:32 (fyrir 5 mínútum)
til Sigmundur, bjarniben, frostis, Vigdís, bjarkeyg, Birgitta, Elín

Sælir þingmemm, 

ég bið ykkur og skora á ykkur í nafni manndóms ykkar að afnema erfðaskatt.

Er ekki nóg að hundelta fólk allt lífið út með sköttum og margsköttunum á sömu fjármunina svo ekki sé ráðist að því dauðu og eignir þess gerðar upptækar þar að auki?

Ég kveð ykkur með ljóði mínu:  Heiglar farga ei fátæktinni

Það þarf að farga fátæktinni

og farsæld bæri það lið

er setti upptöku á ofurlaunin

og afnæmi misréttið.

Kveðja, Einar Sigfússon

Spurning dagsins 27.10.14

Við félagarnir Finnbogi Geir sömdum þessa morgunandakt:

Er það, var það, ætli það sé

auðna eða bagi

að mér græddist mikið fé

og meyja af besta tagi? 

Sá góði og vondi 26.10.14

Enginn getur alltaf verið góður

ekki einu sinni Drottinn

en sumir eru öðrum betri

og aðrir líka verri.

Menn sækjast sér um líkir

telst oftar betra góðum þjóna

en alltaf verða einhverjir

að tilheyra þeim vonda.

Tryggð og hjálpfýsi 25.10.14

Sumir geta rúið sig inn að skinni

svo trygg eru þeirra vinabönd

en þeir eiga enga fórnfýsi í sinni

sem ei rétta nokkrum hjálparhönd.

Desert með hádegismatnum 24.10.14

Maður á aldrei að treysta

á þriðja augað

það er bannað

en þriðja fótinn

það er allt annað.

 

Maður á alltaf

að láta til skarar skríða

en ekki að bíða

annars fær maður ekki,

- sjúddi rari rei, sjúddi rari ra,

á Ægisgötu er tíðum líf og fjör.

Ástin ein 23.10.14

Menn lifa ei á ástinni einni

þótt yndið sé dýrt í sjóð

og sjaldan er betri sú seinni,

- sú fyrri hafi verið góð.