Fullkomnunarárátta 21.10.14

Þetta að verða fullkominn

farsælt má þér strikið

og mörgum er sú köllunin

bæði merk og sterk

en lát bara ekki áráttuna

angra þig of mikið

þá er hætt þér farnist svo

að koma engu í verk.

Ást 21.10.14

Ást verður til

þá yndi leikur stefið,

- enginn vinnur spil

ef að aldrei er gefið.

Skinnið sem sinnið 20.10.14

Margur í anda virðist veill

og veltir sér í mæðu.

Gott er að vera í hugsun heill

og halda góða ræðu.

 

Margur í anda virðist veill

og veikur í sínu skinni.

Gott er að vera í hugsun heill

og hampa glöðu sinni.. 

Á biðilsbuxum 7.10.14

Að skegg þá prýði piltar hugs´um

þótt pirrist af mörg kona

en gömlum manni á biðilsbuxum

bágt er að ganga svona.

Af spakmælum Svarra 7.10.14

Það eru allir kettir góðir

meðan þeim er strokið

en gældu ekki við naut

þú veist aldrei hvenær

það snýst á móti þér!

 

Kristindómur Íslendinga 2014

Kristindóm vér kennum best

er konunnar blóðgast nári.

Líknarar fólk hér myrðir mest,

- meira en þúsund börn á ári. 

Morgundagurinn 3.10.14

Það hefur enginn morgundaginn valdi sínu á

og ei því gott að vita hvað þá muni henda.

Hann settist upp í rúminu og horfði út í blá,

hugleiddi að dauðastríðið mætti vera á enda.

Til hamingju að veita 30.9.14

Að lifa og margfaldast biblían bíður,

bágt er þó mörgum sem láta það heita.

Taktu fyrst dömu er huga þinn hrífur,

hún má þér frekast til hamingju veita.

 

Að leika lík 22.9.14

Ég var að horfa á bíómynd með Stíven Sígal í fyrrakvöld þar sem kíkt var á andlitin í pokunum áður en rennilásar voru dregnir fyrir og pokarnir bornir út og var þá hugsað til leikaranna í þessum hlutverkum: 

Oft gerast ævintýrin slík

að yndi oss frá vill þoka.

Það er óhugnanlegt að leika lík

lokaður niðrí poka.

Þess yndis nýtur 9.9.14

Það er sem lýsi upp af ásjónu

 þess yndis nýtur á kvöldum.

Það er ofaukið þriðju persónu

þegar ástin situr að völdum.

Húmorsleysi 7.9.14

Gasprið og spaugsyrðin ganga til enn

en gleðin fær oft setið á haka.

Það gefst tíðum illa við alvörumenn

sem óðara grípa til raka.

- Húmorinn er af einum illa þeginn

þótt annar verði feginn.