Í fréttunum 1.- og 2. 4.2018

Blökkustúlku sem ól barn hér á landi eftir frækilegan flótta til landsins frá hörmungalífi á nú að senda til baka aftur til Ítalíu þar sem ekkert bíður hennar nema vændi til að framfleyta sér eigi henni að takast að lifa þar af og allt líka í óvissu með hvort hún geti fengið haldið lífi í barni sínu. Það flugu ófögur orð gegnum huga minn er ég hlýddi á þessa frétt nú í endurtekningu:

 

Það spaugar ekki að þessum helvítis öflum

sem öllum bágstöddum vilja fórna.

Það er harðneskjan í öllum helvítis djöflum

sem að heiminum stjórna.

Skúraskyn 31.3.18

Til hvers þarf maður

að vera að eiga vini?

vert er að leggja

hugann að því.

Skyldu þeir ei líkir

því skúraskyni

er skín á okkar velferð

heiminum í?

 

Mánaðaruppgjör 1.4.18

Mánuðurinn kemur illa út

ekki er því að leyna

en ei ég leggst í sorg og sút

sitthvað má til reyna.

– Berja taka í brestina,

bófahátt hvergi trega

Guð sér svo um restina

segi ég mannalega.

 

Stattu þig svo 1.4.18

Að þú sért frekar heill enn hálfur

í hugsun er sýpurðu kálið,

það er þetta að standa sig sjálfur

sem er heila og stóra málið.

 

Tætingur 1.4.18

Margt vill fara á tundur og tjá,

sem tunna er brotnar á velli

og ekki er gott við öllu að sjá

ýmislegt skeður með hvelli.

Unaðsstundir 31.3.18

Margs er að mynnast

og margt ekki leitt,

kostur að kynnast

konu er liggur gleitt.

Lostinn hann kitlar

og kúrir ei í ró

og ánægjur ekki litlar

af unaðsstund í mó.

Á miðin 27.3.18

Margur síðla á miðin rær,

maður og engu nær.

- Sá missir ei er fyrstur fær,

farðu af stað í gær!

Gullmolarnir 19.3.18

Skrýtinn fugl er kanínan

sem skáldskapurinn hjá mér,

skyldi trúi ég mörgum

svo til finnast:

Það velta upp á mig gullmolarnir

víðar en frá þér

vinan mín sem gaman var

að kynnast.

Lífsköll 19.3.18

Lífsköllin flóttafólksins fáum við að heyra

fá hefur það önnur ráð en að vona og biðja.

Ekkert vanhagar okkar land í meira

en elskulega samkynhneigða niðja.

Birta í sálarskarnið 18.3.18

Heyrist með endemum um það mikið fjas

hvað ungdómurinn slarki nú á dögum

en því skildu menn ekki mega fá sér gras

og mæna út í loftið eftir betri högum?

 

Þokkadís 18.3.18

Fyrir mínar sjónir fælnum á brá

fegurð sem að lítandi var á.

Hryssunnar upplit heilla svo má

að hentist ég á stjá af ríkri þrá.

 

Ég keypti hana auðvitað

án allra raka.

Guð er sagður gefa

og taka.

Af kaupréttarmálum

Í umræðunni 17.3.18

Þingmenn hér af fátækum þyrftu að taka betur,

þeir eru sjálftökuhópur og flestra ærur baun.

Fyrst yfir sínum kjörum nú Bjarkey kvarta getur,

kaupið lífeyrisþeganna hlýtur að teljast raun.

Spáð í hryssukaup

Síðla fær græðgin sig fullsadda 16.3.18
Ég hef löngun í fleiri ef mér líkar þær
líst mér nokkuð vel á þessa.
Þó vart kunni telja meira en fingur og tær
trautt veður buddan af því klessa.

Limra dagsins 16.3.18
Ég er lengi búinn að líta eftir einni
og líkleg mátti ég ekki vera seinni,
því fegurðardísir fara
fljótan oftast bara,
sendi þér þennan bragastúf í beinni.

Speki dagsins 16.3.18
Bullustampurinn talar út í eitt
þótt öll hans ræða segi ekki neitt,
hælir sér sjálfur,
svipað og álfur
setur í herðar og hlær að því gleitt.

Sögusagnir herma

Um Einar á Hvalnesi og Sigga bróður hans 12.3.18

Einars bónda á Hvalnesi ekki er minning dauð

en ei þótti hann fjárragið við laginn.

Hann kallaði: Saggja bróðir og áhuginn hann sauð:

Er þetta ekki hrúturinn sem við skárum um daginn!

Spaugað með það

Leitað í stóði 12.3.18

Hjá honum er allt á eina lund

að ekki er í vitinu kengur.

Hryssan er gengin á feðranna fund

og finnst ekki í stóðinu lengur.

 

Grín og hlátur 12.3.18

Af gleði mannanna hláturinn hefst

svo hristist oft drjúgt á þeim spikið.

Fyrir æði mörgum ekki vitið vefst

og vill því lenda grínið yfirstrikið.