Stríð og friður 25.9.13

Hér hafa ómennin hátt bogann spennt

og hernaði að ósekju skekið.

Fátt er svo strítt að við frið sé ei kennt,

frelsi er ei gefið það er tekið.

- Valt er veraldar gengið

- Valt er veraldar gengið

á vinstri stjórn höfðu menn trú.

Hvort sé nú betra sleppt eða fengið,

syndamynstrið gamla hver veit um nú?

 

Við höfum lifað í taumlausri teppu

af tiltektum hjá ríkisstjórnargrút.

- Þegar villidýrin komast í kreppu

kemur að því að þau brjótast út.

Mótmælandinn 2013

Yndið er sveitt og áhrifin vona

að öldungurinn ei standist sálarmatið.

- Því ertu aumingi að æsa þig svona,

við erum bara að taka þig í rassgatið.

Vesalings, vesalings fáráður, ræfill og aumingi! Opið bréf til Hönnu Birnu 23.9.2013

Góðan daginn Hanna Birna Innanríkissráðherra.  Ég er margbúinn að kæra til þín á meili Alþingis og ráðuneytis þíns stjórnarskrár- og mannréttindabrot á mér og framfærslu minni án þess að þú hafir látið svo lítið sem að svara mér orði um það hvað þá að þú hafir mannskapast til að bæta úr vandamálinu.

 

Þetta eru mér mikil vonbrygði og mun svo vera með fleiri en mig að hafa vonast til er þú og þið sem komuð ný inn á Alþingi mynduð reyndast eitthvað betur ómennunum sem voru þar fyrir og allir brugðust mér á hinn lúalegasta hátt á síðasta þingi varðandi afkomu mína til að lifa af í landinu.  Ég skora á þig að láta þegar leiðrétta siðleysið og mannréttindabrotin á mér og greiða mér með yfirdráttarvöxtum, sem ég hef orðið að borga í bönkum fyrir órétti þetta árum saman, 3 ár aftur í tímann, samkvæmt því sem hæstiréttur dæmdi þessa sömu flokka og nú stjórna til að greiða vegna siðleysis þeirra og mannréttindabrota á öryrkjum fyrir nokkrum árum síðan.  Ég kveð með ljóðum um ástandið og opnu bréfi á bloggsíðu minni: neisti.blog.is

 

Einar Sigfússon 

 

Hægri stjórn í burðarliðnum 7.5.13

Hægri stjórn reyndist oss vitsmunaveik

þá Ásgrímsson og Davíð óðu sinn reyk.

Sigmundur kom og til sóma reika kann

svo fremi sem íhaldið fleki ekki hann.

 

Val á forseta Alþingis í umræðunni 2013

Forsetann meintan Alþingis munuð þekkja þið,

þessum lyfti til hásætis dyggðin við siðleysið.

Mannréttarbrotadómana hans metur íhaldslið,

marga skal ei undra stórt þó heiðri tiltækið.

 

Á manndóminn sér 5.6.13

Svellandi er móðurinn

á manndóminn sér

Sigmundar og Bjarna

að svíkja loforð bindandi.

Minnið þver

þá gleypir hver,

- hákarlar fæðast syndandi.

 

Minnið þver þá gleypir hver

þrjótur er oss eiða sver.

Alþingisher til eymsla mer

auma hér til yndis sér.

Flónskan vill hefna sín

Almennt er fólkið fífl og lífið óréttlátt

sem færir oss tíðum sorgir og trega.

Kjósendur Fjórflokksins hugðu ei hátt

hefna vill flónska sín grimmilega.

 

Sæmd vorra stjórnvalda sýnist mér treg

snauðra þau vilja að ei bætist raunin.

Framsókn nú sækir á feðranna veg

fantanna er létu okkur svíða í kaunin.

 

Það svalar heitu geði að berja búsáhöld,

byltingarkenndir stjórnsýslan á heyri

en kvikindi þau sem halda hér um völd

held væri nær að berja svo að dreyri.

Opið bréf til Sigmundar Davíðs forsætisráðherra 22.9.2013

Sæl Sigmundur,

þú og aðrir hálaunamenn samfélagsins hafa fengið skerðingar á ykkur leiðréttar að fullu aftur í tímann auk stórra fjárhæða í launahækkanir, að ógleymdum gleraugnafríðindum sem öryrkjum og gamalmennum veitti ekki af enn frekar en ykkur þótt ekkert hafi fengið.

 

Þú hefur aldrei svarað fjölda klaganna og kæra minna til þín sem allra annarra þingmanna um ólög þau, stjórnarskrár- og mannréttindabrot á mér að ég skuli ekki fá heimilsuppbót eins og allir einstaklingar sem búa einir fá nema kvæntir og giftir en ég hef nú rekið mitt heimili einn í nær 5 ár og kvartað við ykkur stöðugt um órétt þann sem ég hef verið beittur, því ég hef ekki átt möguleika á að framfleyta mér og orðið að lifa á bónbjörgum vina og vandamanna til að vera ekki flæmdur af heimili mínu.

 

Það má allavega segja með þetta mál hvað svo sem verður með önnur hjá þér í framtíðinni að þú hefur reynst mér ljóti djöfulsins níðingurinn og ræfillinn og tel ég litla bót fyrir þig þótt allir þingmenn landsins hafi reynst mér það líka.  Ég tel algjörlega ófyrirgefanlegt að þessi nýja ríkisstjórn sem þú stendur fyrir hafi ekki lagað kjör lífeyrisþega til samræmis við sínar eigin sjálftöku launabætur, sem þeir kenna kjararáði, um leið og hún komst til valda og ekki beðið eftir þingi með það heldur gert það strax með bráðabyrgðalögum svo sem nauðsynn þess var brýn. 

 

Þú getur slitið þessarri bölvuðu níðstjórn strax ef Sjálfstæðisflokkurinn vill ekki fylgja þér eftir til betri vega.   Máltækið segir og ég trúi á það: ,,Enginn veit á hvaða stundu mælt er” og mæli ég hér svo ítrekað um það sem ég hef áður gert að þetta ljóð mitt muni hrína:  

 

Megi almættið skerast í leikinn 11.6.13

Að birtist þér Sigmundur bölvunin römm

ég bið helga vætti að gefa þér í kvitt

ef að siturðu fastur í svívirðu og skömm

og sinnir ei jafnt um kaup mitt og þitt.

               Einar Sigfússon

 

Þetta bréf er birti opinberlega á bloggsíðu minni: neisti.blog.is

Talandi dæmi

Læknirinn: Þennan rauðhærða

strákorm þinn ég þekki.

Þá mun faðir hans verið hafa

rauðhærður sem skrattinn?

Einhleypa stúlkan þá mælti:

Ja, ég bara veit það ekki,

hann tók ekki niður hattinn.

Vegið úr launsátrum 7.9.13

Af siðleysi einu samfélög hrynja,

slóttugar níðsálir mannrétt ei virða.

Sterkasta vopn hinna stríðandi kynja,

sturlunin launsátra börnin að myrða.

 

Brjálæði þingheims sýnir þjóð sem er spillt

og það að vitleysan við einteyming ei ríði:

Læknastéttin fékk 40% ofaná kaupið sitt

fyrir að taka þátt í landsins mesta stríði.

 

Ríkisstjórnin læknunum ræður með sönnum

til rangvega mútum er beitt hverja stund.

Hennar dýrustu ráð eru að dytta að mönnum

drápshendur verði þeim lausar um stund.

 

Illsefjaður maður vinnur ódæði með hrað,

æra hans fýkur sem fínmulið skarn.

Það þarf engan speking til að segja um það

á hvaða stundu barn verður barn.

 

Læknirinn drepur og læknirinn mer,

ljóst þó ekki allir haldnir glæpasinnu

en Landlæknirinn segir við lækna ef svo er:

,,Leita skulið ykkur þá að annarri vinnu”!

 

Af stúlknaránum í Óhio 10.5.13

Til réttlætis mörgu er mismunað,

mannræninginn barði úr stúlkunni börnin

og fær á sig morðkærur fyrir það

en fríspil er læknanna þar er engin vörnin.

 

Eiðstafir og kristin gildi 11.5.13

Sjálfstæðisflokkurinn sá sér til meins

er sögðu menn: ,,Kristni upp hefjum"!

- Eiðstafir sannarlega eru ei til neins

embættisglæpum að halda í skefjum.

 

Frá sjónarhóli stjórnvalda 11.5.13

Hversu læknar marga myrða,

máli ei skiptir hvernig fer,

- þetta eru allt skepnur

hvort sem er!

Innilegar áramótaóskir 2012 - 13

Það er hver einasti þingmaður óvinnufær,

allt því í standinu ljóta

en mannleysur hér eru að mestu öðrunær

metnar til örorkubóta.

 

Að eiga við mannleysur er ekkert grín

ei berst mér heimilisuppbótin mín.

Megi Djöfullinn draga ykkur heim til sín

er drottnað þið hafið vesölu svín.

Komið er svar frá félagsmálaráðuneytinu v/kæru um stjórnarskrár- og mannréttindabrot á mér og svar mitt er opið

Sæll Ágúst Thor lögfræðingur og takk fyrir að svara bréfi mínu fyrir hönd ráðherrans.

 

Já, Eygló Harðardóttir eins og öll önnur stjórnsýsla hér áður hefur brugðist mér svíðings- og hrapalega.  Þetta aumingjans mannræflalið vitnar bara í ólögin sem ég er að kæra sem stjórnarskrár- og mannréttindabrot á mér.  Þar segir hver af öðrum að ég sé ekki einhleypingur og þess vegna eigi ég engan rétt á því að fá sömu framfærslu og ókvæntir einstaklingar sem þurfa að reka einir heimili sín eins og ég.

 

Ég ákalla alla vætti þessa heims og annarra og legg á þetta rangsleitnis og óheilindadót, sem alið er á ofurlaunum á brjóstum þjóðarinnar til að troða þá sem minnst mega sín niður í svaðið, þær byrðar sem það getur ekki risið undir.  Kveð þig að svo búnu með óheillakveðju til hinnar illsefjuðu eiturpöddu níðmálanna er ég tel nú hafa sannað sig rækilega að vera Eygló Harðardóttir og kveð henni ljóð dagsins, Einar Sigfússon:

 

Eygló félagsmálaráðherra 2013

Það er sem ég segi með það:

Siðlaus er Eygló, það blasir hér við.

Illyrmiskrákunni er umhugað,

aumir séu teknir grimmt í rassgatið.