Þeir vilja fækka fólki um 90%

Fantar heimsins fræðin spinna,

fækka mönnum í veröld ber!

Þar berast Alþingisbófa-vinna,

bregða snörur um hálsa hér!

 

Drottinn gaf og Drottinn tók,

- dráp á fólki er ekkert djók!

 

Hefur grimmdar helför mesta 

hoggið oss skarð í barnalið

og aldna að reka í feigir flesta

fært sig upp á skaptið við.

Lítilmagninn

Fyrir lítilmagnann ætíð er

erfitt rétti að ná

auðvaldskrumlan æðaber

auði að sleppa er þrá.

Það gerir best hver sjálfum sér

góðverkunum skil

því undan margur fljótast fer,

flón verða alltaf til.

 

Lausnir

Oft á göfugur ráð til rausna,

réttlæti hans er ei sorp á haugi.

Flest eiga málin leið til lausna

ljóst sé viskan hátt á baugi.

 

Gapir í loftið görótt sála

gremjast lætur ónæðið

en góður leggur gott til mála

og glaður leysir verkefnið.

 

Vingjarnleiki og vinakynni

vinna margt til bóta,

verðmætast í veröldinni

vaka, elska og njóta.

 

Án ljúflegheita

Hér áður menn leituðu sér lúsa og geita,

ljótur er af þeim kláðinn.

Nú les ég þeim stykkin án ljúflegheita,

leikslokin sýnast óráðin.

 

Mér finnst það vera fjandi strangt

fjarviðrast svo sterkum orðum

en hvað er of stutt og hvað er of langt

er heimilið sett er úr skorðum?

 

Afleiðingar hlutanna

Um afleiðing hlutanna kasta ég klausu

að hvað leiði af öðru ég tel ekki blaður.

Sumt gerist ekki að ástæðulausu

ég ætla því betra að vera eins og maður.

 

Til blekkinga leikarar harðsoðnir halda,

hvar fást betri rullur en á stjórnarþingum?

Óhroðinn magnast og vitfirring valda,

sem er vandi dauðans af fjármálahringum.

 

Það er göfugt markmið að gera sitt besta,

ganga braut lífsins með kærleik í hjarta

að reyna af íturð ei fögrum málum fresta,

feta veg réttlætis það má hvern skarta.

Dyggðin

Uppruni lífsins og allra hluta

er óljós sem hvernig varð syndin.

Dyggðin er hollust hjá hvuta,

- hans mætti tíðari fyrirmyndin.

Allra eru ýmsar hliðar 29.5.13

Fljótt snýst ýmsra yndi við

í ógnarstand með sanni.

- Aldrei þekkti ég eina hlið

aðeins vera á manni.

Val á forseta Alþingis í umræðunni 27.5.13

Nú hefur framsóknarflokkurinn endurnýjað þingmenn sína og losað sig við síðasta fantinn af Alþingi er margdæmdur var fyrir siðleysi og mannréttindabrot á Öryrkjum ásamt öllu þingliði sjálfsstæðismanna í fyrri samvinnu þeirra flokka fyrir ekki mörgum árum og seint munu gleymast mér og öðrum þeim er urðu fyrir barðinu á ógæfuferli þeirra á glapstigum verstu þjóðfélagsspillinga er þekkst hafa í lýðveldissögunni og vart verður metið hverjum reyndust verstar.

 

Sjálfstæðisflokkurinn heldur enn eftir nokkrum stríðshetjum þeirra í sínu þingliði til frekara öryggis og friðarauka þeirra er troða vilja undir sig smæstu þegna þjóðfélagsins því hann hefur aldrei kunnað að viðurkenna- og eða skammast sín fyrir nokkra óhæfu sína.  Það mun því ekki óeðlilegt frá hendi þeirra flokksmanna er dýrka þessi lífsgildi að velja fulltrúa til æðstu embætta landsins úr þeirra hópi og þá er komin haldbesta skýringin á vali forseta Alþingis eftir kosningarnar 2013.

 

Forsetann meintan Alþingis munuð þekkja þið,

þessum lyfti til hásætis dyggin við siðleysið

og mannréttarbrotadómana nú metur íhaldslið,

marga skal ei undra stórt að heiðri tiltækið.

 

Bananalýðveldið

Bananalýðveldið blómstrar hér vel
bófar þar mannrétti fórna.
Það hefur að geyma margan mel
sem margdæmdur fær að stjórna.

 

Yðrast skal syndlaus hver

Glæpamaðurinn fyrstur fer

til fleiri verka að hugsa sér,

samúðin gengin,

samviska engin,

- sá yðrar sem syndlaus er.

Góðan daginn 26.5.13

Við skulum dansa djæv og sving

og djarvan kveða braginn,

- upp og niður og allt um kring

eiga góðan daginn.

Opið bréf til félagsmálaráðherra

Gott kvöld lesendur góðir, ég skrifa hér opið bréf til hins nýja ráðherra félagsmála á Íslandi og býð hann (hana) ekki velkominn (velkomna) til starfa vegna fyrri reynslu af óverkafærni til trúnaðarstarfa á Alþingi en óska þess innilega að hann (hún) megni þó reynast skárri en fyrirrennarar hans (hennar) í stóli velferðarráherra síðustu stjórnar sem ég tel hvern af öðrum hafa reynst mér óverkafærir og ámáttlegir aumingjar með níðingasálir í sörfum sínum- og eða aðgerðarleysi.

Ég sótti bréfleg erindi til allra þingmanna margítrekuð allt síðasta kjörtímabil og fáir hirtu um svör og enginn þeirra sinnti máli mínu sem hér skal nú enn útskýrt með nokkrum orðum:

 

Ég er öryrki og gamalmenni og einbúi í hálft 5. ár vegna skyndilegra veikinda konu minnar og flutnings á annað landshorn, með annað lögheimili. Vegna þess að ég er kvæntur hef ég ekki getað fengið heimilisuppbót eins og allir aðrir fá er búa einir, nema giftir og kvæntir sem mega deyja drottni sínum ef svo ber undir vegna þessa ólaga.

 

Þau hafa ekki fengist löguð af ónytjungum trúnaðarfulltrúa samfélagsins á Alþingi er eiga að þjóna öllum landsmönnum á Alþingi en ekki bara auðvaldinu, sjálfum sér og öðrum hálaunamönnum eins og var nær eingöngu gert allt síðasta kjörtímabil. Heimilisuppbót einbúans er upp á rúmar 30 þúsund krónur á mánuði og munar fátækan um minna þótt það sé ekki næri nóg.

 

Framfærsla mín að öðru leiti hefur verið um 140 þúsund krónur á mánuði og er víðs færri að duga mér. Sveitarstjórn mín í Fjarðarbyggð er skipuð þeim hjárænum dauðans er skiptir engu máli mannréttindi og stjórnarskrá og þær reglur sem almenn skynsemi býður fólki að fara eftir.

 

Hún neitar að bera bakábyrgð á framfærslu minni nema að 135 þúsund króna marki og segir það bara vera þær reglur sem hún hafi sett. Ég væri löngu hrakinn af heimili mínu ef ég hefði ekki getað safnað skuldum í tveim bönkum og fólkið mitt og vinir hefðu ekki gengið undir mér með matargjöfum og fjáraðstoð.

 

Ekki hefðu nú Alþingismenn þurft mörg pennastrik til að lagfæra þessi ólög ef vilji og manndómur hefði verið fyrir hendi og ég hef krafið þá um leiðréttingu 3 ár aftur í tímann vegna skulda minna með yfirdráttarvöxtum sem ég hef orðið að standa skil að vegna svívirðu þeirra og verkleysu og að Hæstiréttur dæmdi í öryrkjamálunum að endurgreiðslur mannréttindabrota skyldu ná 3 ár aftur í tímann.

 

Ég tel þetta skýlaust mannréttindabrot að stjórnvöld leiti til þess allra leiða að drepa fólk af sér með öllum ráðum og dáðum ef þau mögulega geta komið því svo fyrir - og má þar líka t.d. líta á nýjasta dæmið um lyf fyrir sykursjúkt fólk og lyf fyrir mig jafnt sem aðra upp á líf og dauða sem ofvaxið er fólki á framfærslu ríkisins að borga.

 

Svo tel ég þetta vera alveg hroðalega auðvirðulegt stjórnarskrárbrotamál vegna mismununar þegnanna til að lifa af í landinu o.fl.þh. Eins og svo oft áður kveð ég með ljóði dagsins ef ljóð skyldi kalla, Einar Sigfússon

 

Ráðherraskipti 24.5.13

Ég varð fyrir vonbrygðum

með val í ráðherrastóli,

hvern djöfulinn hún heitir

ég gef ei fyrir að muna

en hún svaraði mér aldrei

í stjórnarandstöðuinni

ætla skrif mín farið henni

ofn garðs eða neðan.

Minnir mig á harðfiskroð

í hundskjaft vera snúið

og hefi lengi því trúað að

æran hafi hana flúið.

Erindi mínu enn vantar beina,

- og lengi má manninn reyna.

Svo bregðast krosstré sem önnur 23.5.13

Skerðingum ríkra

skauðar vinstri manna

skiluðu þeim með gleraugnafé

í hlunnindi til baka

en skildu eftir gamla og sjúka

sem á köldum klaka,

- ójafnaður stjórnmálanna

á ekki úr að aka

og einatt eru jafnaðarmenn

óþokkar verstu saka.

Nú er ég nýrrar ríkisstjórnar

ráðaplögg að kanna

og ræð ei bóla á endurgreiðslu

þeirra dánumanna.

Hreyfingarleysi 22.5.13

Að bjarga sumum er býsna ógreitt,

svo ber til með fleiri en rekka.

Hest getur þú hæglega vatni að leitt

en hót ekki látið hann drekka.

Sómavitundin 20.5.13

Ei er maður mikilla verka

margur sem ég tala við.

Sómavitund sumra ei sterka

setur bletti á mannlífið.