Strokuhesturinn 15.5.13

Hendist heilu dagana

heiðarnar jafnt sem dalinn.

Á flótta í heimahagana

hesturinn fyrr þótt kvalinn.

Nóttin þó nálgist óðum,

- bjart er á bernskuslóðum!

Höpp eru hverful 15.5.13

Vanda skapaði vitfirring,

er virðing enga bærði.

- Marði snauða sóðaþing

en sjálfa sig þó nærði.

 

Íhald setti hér allt í svað,

óráðum mátti þeysa

en er að komast aftur að,

ólán er sjaldan reisa.

Heitið á framsóknarmenn 14.5.13

Að heiðarleg stjórnmál hendi okkur senn

hef ég ei trú en heiti á til bóta:

Að ástand hér fegri svo framsóknarmenn

að fleiri en þeir ríku fái njóta.

Slæmir verslunarhættir 13.5.13

Brögðum beitti á ranginn,

bregst oft vesæl tík.

Laginn að draga á langinn,

lúsablesinn í Vík.

Ríkisstjórn í mótun 13.5.13

Nú er til stóru hlutanna hleypt

og hugrenningar slyngar:

Embættum fjölgað, gróðann gleypt

og grættir vesalingar.

Svo koma fantar flírugir á skjáinn!

- Fortíðin er besta framtíðarspáin!

Á sauðburði 13.5.13

Í morgun hitti ég Árna á Bóli

og hann skjótt til frétta brá:

Að misst hefði Jón Þór lamb

og hann sagði við hann þá:

,,Gott er að líta ljósu hliðina á,

þau lömb sem deyja á vorin

þarf ekki að hausti að flá”!

Syndamynstið gamla 12.5.13

- Valt er veraldar gengið

á vinstri stjórn höfðu menn trú

en hvort sé betra sleppt eða fengið

syndamynstrið gamla hver veit nú?

Gleðileikir

- Flestar hafa gleðikonur í sig og á,

ást er nautna fegurst er ég kenn.

Á ýmsa vegu reika má yndi og þrá,

- oft fara hommar bak við menn.

Á reiðhestinum 12.5.13

Á reiðhestinum hafa menn mætur,

margir voru sprettir á Ásgrímskundi.

Það þarf styrk til að standa í fætur

- fyrir sturluðuðum sjálfstæðishundi.

 

Hundsspottið þetta fór illa með mig,

látt´ ekki Simundur sama henda þig!

Sigmundur taktu á því 12.5.13

Við höfum lifað í taumlausri teppu

af tiltektum hjá ríkisstjórnargrút.

- Þegar villidýrin komast í kreppu

kemur að því að þau brjótast út.

 

Við eigum erfitt að sjá fyrir okkur

en eygjum enn til loforða í sjóði,

Sigmundur viljirðu ei reynast rokkur,

reynstu þá betur en krataslóði.