Á eina lund 2012

Níðingar höggva í hverja und,

hatremman þeirra aldrei fær blund.

Allt hér í veröld er á eina lund

einhver að kúska annan sem hund.

 

Mér líkar illa að ganga á glóðum

og geta ei sagt nema ,,sjitt”!

Ég hef reynst góður með góðum

en gjarnan með hinum hitt.

 

Þótt elskaði friðinn oft að mér skaust

óþverri og níð, sem kenna á ég fékk.

Margt hefi fjallað um tæpitungulaust

um tíðarandann og hverrnig til gekk.

 

Lundin mín brast ljótur var skaðinn

lá ég mest flatur og kvalinn um ár.

Hjartað fór óvegu fitu varð hlaðinn

fá brot ei gróið þótt líði mér skár.

 

Ég fékk að kynnast hrottunum hálum,

hundar og ómenni skóku mína storð

en ég hef oft langtímum setið á sálum

saurugra fanta er þoldu ei mín orð.

 

Heimurinn færir oss yndi og þraut

sem ýmist eru að koma eða fara.

Frægðin er hverful og hverfur á braut

en hjartasár að eilífu vara.

Reiðnámskeiðum frestað 12.2.13

Hér er námskeiðum frestað

nú þessa daga

ná kennurum úr fjarska

sagt er liðið plaga

þó er hér félagsskapur

svo hestamennskurækinn

að hestar þeirra á sprettum

vart nösum blása.

Skyldi vera nauðsyn

sækja vatnið yfir lækinn?

Væri ekki ráð

að biðja Guðbjart og Ása?

Siðleysið 10.2.13

Oft brenna bál

þar bófar eru á ferð

og mörg einföld mál

mjög flókin gerð.

Barátta kynjanna 7.2.13

Konan mótí karli sínum snérist,

kvenréttur bálaði huganum í.

Við ábyrgjumst ekki hvað gerist,

aðeins hvað við gerum í því.

Heimili nötra, blossa og brenna,

beiskust er kynjanna senna

og börnin fá illa á að kenna.

Að eiga og fá

Helst mun hver sæll

hluti að eiga og fá

og þó er hann þræll

þess sem hann á.

Júróvísjon 2.2.13

Okkar landi verður margt til meina,

mögnuð þjóðin títt sinn veður reyk.

Júróvísjonúrslitin vann jú lagið eina

er ég hafði talið strax vera úr leik.

Doktor Marta mín 1.2.13

Til hamingju kæra Marta mín,

mikið hefur þú nú lagt undir fót.

Faglega skópstu öll fræði þín

og fékkst síðan doktorsnafnsbót.

Þótt miklar gáfur meti ég vel

manngæðin þín þó best öllu tel.

Fjórflokkaliðið 2013

Fjórflokkaliðið í Fjandanum brenn

þeir föðurlandið svíkja sem annað.

Í huga ég kalla þá hryðjuvekamenn

eða hvað skyldi betur vera sannað?

Dómur í Icasave 28.1.13

Landráðamenn eru lúmskir og slyngir,

leiða vilja þjóð sína á óvegu þau svín.

Nú dómur í Icasave hart á þeim klyngir

en ei kunna ræflar að skammast sín.

Egóið 26.1.13

Stjórnmál af stinningi

storma um vegu

Vinstri-grænir vaða í

villu og svíma

þar eru nú aðeins eftir

þeir óheiðarlegu

sem aldrei gátu látið

stefnuna ríma.

 

Það er margt egóið

það dæmin sanna

það má oft byggjast

á gáfnafari tregu.

Þú skalt ekki níðast

á neyðunum manna

nota þér manndóminn

á betri vegu.