Greiðar og gjörðir

Það er ei gott að meta

hvern greiðann meiri

hver geri hverjum

en það má hafa í huga

að hvort sem þú gefur

frá þér gott eða illt

geturðu átt von á því

tvöföldu til baka.

Sleppu takinu 22.1.13

Að líði burt ástin

oft þykir ljóti skaðinn,

erfitt er á tíðum

að halda henni kyrri.

Er ein hamingja fer

kemur önnur í staðin

ef ei ertu of upptekinn

af þeirri fyrri.

Góðu málin 29.11.12

Góðu málin liggja í lág,

ljósast stór er vandinn,

ríkisstjórn í burðum bág,

brotinn margur landinn.

Leikið er vort lífsins tál

lygið eins og fjandinn.

Þar er eins og merkismál

mestan renni í sandinn.

Heiðursfélagar Blæs

Í hestamannafélagi oss Blæ eru heiðraðir menn

heiðurinn ber sjötugum hvers vetra

þó ljót þar séu ljúgvitni og dæmdir glæpamenn

þá virðist eins og það sé bara betra.

 

Ei dugir við asnastriki að beita viti og rökum

og ei spjalla ég meira um þetta að sinni.

Ég sagði mig úr þessu hópi af þessum sökum,

þetta hafði bitnað á fjölskyldu minni,

 

- en öllum fannst félögunum að það væri í fínu lagi

og þó fleiri af þeim fengið hefðu kenna á sama tagi!

Sauðaþjófarnir 1994

Ýmis hefur kærleikurinn

yndað að að mínu bóli

eða ljúfur sveitungi minn

varpað að mér hóli,

þó fannst sumum keyra úr hófi

kankvís vinalætinlætin

að kæran fyrir sauðaþjófnað

gæti ögn verið rætin.

 

Nágrannar mínir í vestri tveir

af visku og æru ríkir

vel þeir reka fjárbú sín

og göngugarpar slíkir

að ævinlega heimta þeir

hverja klauf af fjalli

nú brá svo við að hrútar fimm

sinntu ekki kalli.

 

Til þeirra hafði heimilisvinur minn

vanið ögn sitt gengi

og hrútaheimtuleysið þeirra verið í

umræðunni lengi

þá kom í ljós að hjá mér hafði hann

étið feitar steikur,

hvar skyldu þeir annarsstaðar vera,

blossað upp sem reykur.

 

Þeir höfðu oftsinnis reiknað stór

og erfiðari dæmi en þetta

og örkuðu þegar með kæru á mig

og á fjölskylduna setta

og í DV greindu þeir þrívegis frá

grönnum blóðiþyrstum

sem geymdu alla hrútana þeirra

oní frystikistum.

 

Löggan kom og kemdi svæðið

réttvísinni að sinna

krafsaði og rótaði í jarðveginn

hvar innvolsið mætti finna

dreymt hafði móður bændanna

föður minn býsna grimman

benda sér á greftrunarstaðinn

og tala um ljóta krimmann.

 

En svo er víst með þvaður og bull

að það vill illa standa

og þó menn veifi góðmennskunni

jafnt til beggja handa

og enn þeir segja af sannfæringu,

- með klækjabrögðum slapp´ann

já, sveitin á marga gleðifrík

út um allan vappann.

Allt hefur sinn tíma

Líður hratt hin ljúfa stund

en löng er þeim sem hýma.

Afstæðið festir aldrei blund,

- allt hefur sinn tíma.

Út í blá 9.1.13

Andans þrá vill eðlið tjá,

unað fá og kossa smá

en Alþingi hjá er út í blá

ást að ná er gamla flá.

Í ræktinni

Í ræktinni má renna svita

og reka við svo hátt í hvíni.

Ég trúi þó og tel mig vita

að tá sé betra af brennivíni.

Sómamaðurinn

Af sómamanni síst færð hnekki,

settu hann við hliðina á þér.

Knúsaðu en kremdu hann ekki,

kysstu ef að svo til ber.

 

Fólkið er yfirleitt gott í grunn

en glepst til verri hátta

og mörg er svo sál í sinni þunn

að sér ekki vel til átta.

 

Ríkisstjórn vor til sóma er sein,

sýnist flest gott bannað

er þjarma að okkur þjóðarmein

þjösnast eitthvað annað.

Gleðin og hamingjan

Í leit að hamingju hver reika fer,

hennar eru leiðir ei kunnar

en finna gleðina gjöfin best er,

það er gjöfin hamingjunnar.