Láttu þig dreyma

Láttu þig dreyma um ljúfa daga

löngu færri sorg og trega.

Fagrar myndir fram má draga

svo fái þér liðið bærilega.

 

Hamingjuna í heimi við þráum,

hvers mun þó sem lottóspil.

Ekki er gleði á hverjum stráum

en oftast má búa hana til.

 

Lánið er hverfult og líf fer í svað

þótt leikið sé töktunum snjöllu.

Sértu ei réttur maður á réttum stað

og réttum tíma, skiptir þar öllu.

 

Í draumum má dýrðunum skarta

Drottinn þá gjöf okkur kaus.

Góðar minningar hlýja um hjarta

sú hamingja er endalaus.

Sakópatar samtímans

Björn Valur Gíslason hefur messað manna hæst að undanförnu um ágæti sitt og vinstri grænnna en þeir hafa ekki bara verið einu snillingarnir við björgunarstörfin á Íslandi, það hefur samfylkingin verið líka. Þessi listahjú snilldarinnar hafa greitt sjálfum sér og öðrum hálaunamönnum alla launaskerðingu þeirra til baka aftur í tímann, af ofurlaununum þeirra en ekkert leiðrétt af hroðalegum skerðingunum sem þeir gerðu hverja oní aðra á hinum smánarlegu kjörum öryrkja og gamalmenna, sem hvergi þó áður dugðu þeim fyrir framfærslu og eru þar að auki rammsköttuð af þeim.  Ég vil meina fyrir mína hönd og annarra vandamanna: - Að það sé dásamlegt þegar bjátar á að eiga að slík valmenni og velunnara og skyldi engan undra þótt þeir hæli sér hver í kapp við annan fyrir sitt einstaka ágæti.

 

Svo deila þeir á sjálfstæðisflokkinn fyrir kreppuna og alla spillinguna en ég tel ólíklegt þótt bölvaðir hafi löngum reynst við smælingjana að sjálfstæðismenn hefðu vogað sér annan eins ,,sakópatahátt" og raun ber hér um vitni. 

 

Skyldu þessir björgunarmenn snilldarinnar, hefðu þeir verið heiðarlegir menn og jafnaðarmannaflokkar, vanda sínum vaxnir, ekki hafa leiðrétt fyrst við þá sem minnst höfðu og hýmt hafa kaldir á torgum við að betla sér mat til bjargar og mest þurftu á því að halda og látið sjálfa sig og aðra ofurlaunamenn frekar sitja á hakanum?  Varnaðarorð:  Kjósið ekki fjórflokkinn, hann hefur svikið okkur nógu oft í trúnaði.  Allir sem ekki eru fávitar eða auðtrúa kjánar ættu að geta lært af því.  Gefum honum frí!  Hann hefur fyrirgert rétti sínum til trúnaðarstarfa!  Veðjum á eitthvað annað!

 

Sakópatar samtímans 2012

Gróðahyskið ,,gradólera”,

grafir blasa öðrum hér.

Þeir sem enga ábyrgð bera

allt þeir mega leyfa sér.

 

Erindi hún átti á þig

yndis njóta að vana.

Sakópatasamfylking

svíðir öryrkjana.

 

Á hér lítill enga vernd?

Aldinn maður stundi:

- Það er raun að vera

með réttlætiskennd

og riðið eins og hundi.

Véfréttin 2012

Veröldin hefur alltaf verið slæm

en véfréttin áður í ferðum sínum dræm.

Nú fjölmiðlarnir fréttunum spúa

svo fjöldinn má hafa sig allan við að trúa.

Björn Valur og heimilisuppbótin

Ekki kemur þingmaðurinn minn á Austurlandi, mannréttindabaráttu minni enn til bjargar en því ætti ég ekki brosa mínu breiðasta af einlægri vongleði þegar annar eins afreksmaður á í hlut:

 

Björn Valur og heimilisuppbótin

Mitt nær brosið eyrnanna á milli,

- Íslandi hann bjargaði af snilli.

Kappann Björn ég konunglega hylli,

kannski fæ ég loksins matarfylli.

Öryrkinn talar

Mér hefur ei látið að læðast með veggjum

leikið oft hlutverk svo margur varð sleginn.

Á góðum stundum oft sat ég með seggjum

og sótti í mig veðrið þá tappi var dreginn.

 

Aumingi að vera, já það er enginn leikur,

elda grátt við stjórnvöldin snúin og treg                    

en þó ég sé aumur þá er ég um smeykur

að þingmenn séu enn meiri ræflar en ég.

 

Þessum er tilurð að troða menn fótum

og tíðast láta eiðstafi ei neitt stöðva sig.

Þingmenn ættu að vera á örorkibótum

en ekki á margföldum launum á við mig.

Við hliðina á þér

Hvaða stofnun er það?
Stofnunin sú er gömul og grá,
geðjast best fátæka á skíta,

glötuð til álits og góðverkafá,
geggjun þar títt megum líta.

 

Við hliðina á þér

Margur svo leiður að liggur við orgum

lent getur óvart við hliðina á þér.

Þá máttu stela, steldu hans sorgum

og strjúk burtu tárið er ógæfu ber.

SOS Skeyti mínu ósvarað 27.10.12

Einar Sigfússon [e-mail]	15:16 (fyrir 1 mínútu)
til Björn

SOS skeyti mínu til Björns Vals er ósvarað 27.10.2012,

Góðan daginn Björn Valur Gíslason, hér kemur annað opið bréf til þín:

Er það ekki stórmerkilegt Björn Valur Gíslason, sem ert minn stórkostlegi þingmaður á Austurlandi og bjargaðir Íslandi að þér hafi orðið skotaskuld úr því allt kjörtímabilið að redda þeim smámunum er ekki ætti að vera stórmál fyrir slíkan stórsnilling að bjarga, að ég fái heimilisuppbót eins og allir aðrir einstaklingar fá á Íslandi sem reka einir heimili sín, nema þeir séu kvæntir eða giftir, en ég er kvæntur og kona mín hefur búið á öðru landshorni vegna veikinda í 4 ár og með annað lögheimili.

Því hefur enginn mér á móti mælt að þetta sé skýrt stjórnarskrár- og mannréttindabrot vegna mismununar og því hefur heldur ekki verið á móti mælt að Björn Valur Gíslason og allir aðrir þingmenn á Íslandi fái ekki gjaldgengi til setu á Alþingis nema að sverja dýra eiðstafi að því að vinna stjórnarskránni og virða hana í hvívetna. Nú legg ég samviskuspurningar fyrir Björn Val Gíslason og aðra sem lesið gætu orð mín:

Getur það verið að ummæli Björns Vals Gíslasonar um að hann og vinstri grænir séu eins mikil ofurmenni og hann lætur af, hafi ekki bjargað neinu nema sjálfum sér og öðrum hálaunamönnum, að taka kaupskerðingu sína til baka aftur í tímann er þeir létu af hendi í kreppunni? Miklar skerðingar af smánarlaunum lífeyrisþegana skildu þeir eftir óbættar. Það er sjálfsagt þetta sem Björn Valur Gíslason á við þegar hann segir sig og vinstri græna hafa bjargað Íslandi. Ég hefði nú frekar viljað kalla þetta vægt til orða tekið: Snert af ruglunni! Er ekki ömurlegt að heyra aldrei annað frá þessu liði en að svart sé hvítt?

Kv. Einar Sigfússon

SOS SOS SOS Opið tölvubréf

SOS SOS SOS 26.10.2012

Góðan daginn Björn Valur Gíslason,

það ku hafa komið fram í orðræðu þinni í fjölmiðlum að undanförnu að þú og vinstri grænir hafi bjargað Íslandi. Fyrst svo er og þú ert minn þingmaður á Austurlandi geturðu þá ekki bjargað mér um heimilisuppbótina sem ég hef verið hlunnfarinn um síðan ég varð einbúi vegna langvarandi veikinda og færveru konu minnar á öðru landshorni í 4 ár og með annað lögheimili.

Heimilisuppbótin sem ég fæ ekki er nú yfir 30 þúsundir á mánuði og munar fátækan öryrkja og einsetumann um minna þegar það vantar upp á framfærsu hans sem eru aðeins 140 þúsund á mánuði en hvað hefur þú? Þú hefur líka leiðrétt aftur í tímann kaupið þitt og annarra hálaunamanna og fyrst þú hefur bjargað ykkur svona vel getur þú þá ekki bjargað mér og öðrum öryrkjum um leiðréttingar á því sem haft hefur verið af litlu laununum okkar. SOS SOS SOS, vinsamlega hjálpaðu mér strax í neyð minni því mig vantar mikið upp á að ég fái nóga framfærslu til að halda heimili mínu og ég fæ ekki meiri aura í bönkum til að halda mér á floti,

með bestu kveðju,

einar sigfússon

Úr kvöldfréttunum 23.10.12

Bágt er um bótaþega,

bænir þeim duga vart.

Stjórnvöldin stóran trega,

stundi þeir vinnu svart.

Eftirskrift til þingmannanna

Einar Sigfússon [e-mail]	07:32 (fyrir 11 mínútum)
til Mörður, Birgitta, Þór

Es

Rangkjaftar og rumpulið 2012

Rangkjaftar siðleysis sækja að móðir,

snúa  á rönguna flestu að ég tel.

- Það vilja allir vera gáfaðir og góðir

en gengur það bara misjafnlega vel.

 

Rumpulið Alþingis rænir með sönnum,

ruplar og níðir af mér stjórnarskrá,

eiðstafi brýtur sem brjáluðum mönnum

blöskrar ei hót því lund þeirra er grá.

Kv. ES

Þann 16. október 2012 01:30, skrifaði Einar Sigfússon <[e-mail]>: