Bréf til þingmanna 16.10.2012

Einar Sigfússon [e-mail]	01:30 (fyrir 6 mínútum)
til Mörður, Birgitta, Þór

Efri-Skálateigi 2, 16.10.2012

Góðan daginn Birgitta Jónsdóttir og Mörður Árnason og Þór Sari sem fær afrit af bréfi mínu.

Ekki hefði ég trúað slíkri vitleysu upp á hina mögnuðu og að mörgu leiti mjög ágætu Birgittu Jónsdóttur að óreyndu sem þessu innilokunarfrumvarpi á sauðfé sem ég var að lesa um á netinu rétt í þessu en ég hefði geta trúað nærri því hverju sem væri upp á síbrotamanninn og afglapann núna í ríkisstjórninni Mörð Árnason eftir reynslu mína sem ég hef af honum að hafa nítt á mér stjórnarskrána og brotið á mér mannréttindi árum saman þótt svo það stangist algjörlega á við eiðstafi hans að stjórnarskránni sem hann varð að sverja dýrum svardögum til að fá að setjast í þetta ágæta sæti sitt á Alþingi og moka að sér í eigin vasa fúlgum af almanna fé fyrir vinnu sem hann megnar ekki að láta í té fyrir almenninng eins og mig öryrkjann og gamalmennið sem vnir mínir og vandamenn hafa orðið að ganga undir til þess að ég gæti haldið heimili mínu, vegna ólaga frá Alþingi sem hann og allir aðrir þingmenn hafa hunsað að laga og ég hef marg skrifað ykkur um.

Getur verið að það klingi engin samviskubjalla í höfðum ykkar að ykkur hefði verið nær, gáfulegra og heiðarlegra að leggja fram frumvarp um lagfæringar á mínu stjórnarskrárbrotamáli og það þrjú ár aftur í tímann samkvæmt fyrri Hæstaréttardómum í öryrkjamálunum eins og ég hef marg skorað á ykkur að gera árum saman ásamt öllum hinum þingmannarolum landsins en án árangurs? Getur það verið að það sé af þeim ástæðum að þingmennskan sé svo dýrt sport að allir láti sig hafa það að afsala sér ærum sínum til að fá bara komast í hana?

Afrit sent að ég tel hinum störmerkilega Þóri Sari, sem hefur þó ekki reynst mér merkilegri en það að hafa aldrei svarað bréfum mínum orði svo ég muni né sinnt málum mínum hót svo ég viti og vil ég nú biðja hann sérstaklega að skerast í þennan ljóta leik sem ég hef verið beittur af vesaldómi og illgirni þingmanna.

Kveðja, Einar Sigfússon

Vegir lífsins 7.10.12

Fegurð hver í augum er

og yndið fer að þér.

Finnum vér í fágun hér

að flest ber ást í sér.

Flýtur allt er fljóta má,

feykisnjallt ei skeikar.

Oftast valtur verður sá

er vegi haltur reikar.

Ástin sækir syndir heim,

sinnissprækir leiða,

yndið rækir andans geim,

oft munu klækir veiða.

Ergjuhryna ýfir mest,

yndis linar stundir.

Kærra vina kynnum best

kætin tinar undir.

Réttur hestur

Oftast verður bjáninn bit,

brunar frá honum lestin.

Það er lán að vanta ei vit

og veðja á rétta hestinn.

Átök 2.10.12

Endirinn löngum ei fyrir sér

og sýnist flest mega skeika.

Sá er óttast að tapa ósigur ber,

angist er þrot hverra leika.

Þingmaður á faraldsfæti 29.9.12

Innherjasvikin kunni klók,

kennir nokkurs baga.

Mögnuð var að maka krók

en má í hlé sig draga.

 

Mögnuð var að maka krók,

margt oss ber að eyrum.

Innherjasvikin auðinn jók

eiginmanni og fleirum.

 

Ást og gleði 3.9.12

Oft þær kitla ýmsa niðri tær,

eyrun kunna ljúflega að narta.

Ást og gleði eru systur tvær,

yndislegri fegurð sinni skarta.

Þegar allt fer í strand

Varúðir og óðagotin oft fara í bland

og útkoman verður tjara.

Menn átta sig þegar allt fer í strand

að enga höfðu fyrirvara.

Leitin 26.8.12

Til leitar flokkar fóru hér,

fréttir hlupu á bergi.

Hún var að leita að sjálfri sér

en sá sig bara hvergi.

Líkt og lóða 080808

Hinsegindaga höldum góða,

herrann mikla skulum kæta,

fara um strætin líkt og lóða,

lensku vorrar þjóðar bæta.

Nektarmeyjar

Nektarmeyjar af nautnum hvása

og nudda sér upp við súlur.

Þá mun herrum hægast að blása

hugans sápukúlur.