Úr kvöldfréttunum 6.2.17

Hér hommar eru heiðursgestir

og hampa pjásum lessurnar.

Íranir eru allrabestir

öfuguggum er lógað þar.

Enn eitt afmælið nálgast 5.2.17

Þróttur minn er lítill það sér maður hver,

þykjast má þó góður að vera sem ég er.

Er að ná í sjötíu og fimm fram á lafi vor

og fæ mér þá í staupinu til að auka þor,

takast á við tilveru glæstra lífsinsvona!

Fullkomnunarárátta 5.2.17

Fullkomnunarárátta fjandans er kvæ

er freistar svo mörgum lúðum.

Faðir minn hamraði mér heilræðið æ,

heldur að láta vaða á súðum.

 

Fullkomnun 5.2.17
Fullkomnun mín er færri því sterk,
faðir minn upprætti hana.
Þeir koma yfirleitt ei miklu í verk
sem eiga hana fyrir vana.

 

Varúð vinir góðir 5.2.17

Þið skulið vinir vara ykkur á því

vandamál það er að ég tel.

Fulllkomnunaráráttan felst því í

að fá aldrei gert nógu vel.

Guðaveigar 3.2.17

Græðgi sú í guðaveigar

gæti talist mannsins last.

Yndi á sá er ölið teigar

ef að drekkur ekki of fast.

Í hvíldarinnlögninni 2.2.17

Það er færri mér líki við læti,

lem mig þó áfram sem hund,

keppist við að komast í sæti

og hvíla mig þar um stund.

Salt í sárin 29.1.17

Skyldi þetta ekki geta verið leiðarlýsing nýju ríkisstjórnarinnar:

 

Þegar að gerist vitið valt

og vandamál eru tilbúin

er líkt og að fá í sárin salt

að sársauki verður ei flúinn.

Fegurð 28.1.17

Fegurð marga mildar þraut

og mörgum ástum kveikir glóð

en fjandi er hún fljót á braut

framkoman sé ekki góð.

Svikaferill 27.1.17

Kosningarloforð fögur fengu,

fegra skyldi mannlífsrann

en loforð skipta Óttarr engu,

áherslur bara segir hann.

Fáir munu vilja láta lóga sér 24.1.17

Öryrkjar þykja koma á ríkiskassann róti,

ráðamanna löngun mest að koma þeim í hel.

Já, það er ljóta að mega ekki lóga þessu dóti,

list þá kunni Hitler karlinn á sínum tíma vel.

Í umferðinni 24.1.17

Í umferðinni sagt er nú að margir bana bíði

en þrisvar sinnum fleiri þó fyrirfari sér.

Megnið af þessu er sagður vera afkomukvíði

eymdarlegu launanna bágstaddra hér.