Ef þið eruð með heilli há kjósið þá flokk fólksis 14.10.16

Inga Snæland bíður sig nú fram fyrir flokk fólksins,

hún er nær alveg blind frá bernsku og hefur lifað lengi

að segja má á botni mannlífsins.

Hún hefur rifið sig til menntunar þrátt fyrir þetta

og er albúin að hjálpa smælingjunum til betri lífsafkomu:

Þjappið ykkur saman í stuðningi við hana

til að gefa henni tækifæri til þess.

 

Guð hjálpar þeim sem hjálpa sér sjálfir,

Sagði hann Benjamín heitinn Franklín

og það flaug um alla heimsbyggðina:

 

Líf okkar er að ég segi með sönnum,

- sumir lifa hvorki heilir né hálfir.

Það er ekki hægt að hjálpa mönnum

sem hjálpa sér vilja ekki sjálfir.

Haffi skrifar mér 13.10.16 - Látum ekki bankana hirða allt

fyrirfram greiddar vaxtabætur, þvílík vitleysa álíka og fáfyrirfram greidd laun til 5ára og vinna svo kauplaust næstu 5 árin. Nei takk,

Nær væri að skikka lífeyrissjóðina til að byggja ódýrar íbúðir (hægt að gera með lagabreytingu) og leigja ungu fólki, öryrkjum og gömlu fólki á kostnaðarverði þannig væri hægt að brjóta niður þetta vandamál sem er að drepa alla sem eru á launum undir kr:500,000 á mánuði. Enginn tapar á því að leigja á kostnaðarverði þar sem að kostnaðar verð/ leiga greiðir upp verð eignarinnar á 30-40 árum. Þannig væru lífeyrissjóðirnir að nota okkar fé til góðs og fyrir okkur sjálf. En ekki kaupa endalaus hlutabréf og eignarhaldsfélög sem fara síðan á hausinn í næsta hruni og tapa hundruðum milljarða af okkar fé, og enginn ber neina ábyrgð, en lífeyrisþegar fá minna og minna vegna þessara glæfra fjárfestinga forsvarsmanna lífeyrisjóðanna.

Að taka í böðulsins hönd 13.10.16

Ég er alltaf tregur til að taka í læknishönd,

- ógeði veldur óhugnaður sýna minna:

Ég sé þá alla blóðuga bera við sjónarrönd,

börn að murka úr kviðum mæðra sinna.

Svívirðingar og skammir 12.10.16

Það þarf ósvífinn mann á ósvífið lið

svo óhroða megi til hnika.

Set ég ei svívirðingar og skammir í bið

sé það stela af mér bita.

 

Margur hefur legið mér á hálsi fyrir það,

sem heilögu átt sé þar við kúna,

sem má ei við rumska eða reka af stað

af réttlætinu einu við trúna.

Frambjóðandi segist réttsýnn 12.10.16

Frambjóðandinn er skipar 1. sæti Samfylkingar á Norðausturlandi telur sér réttvísi helst til ágætis. Ég spyr bara ef svo er hvers vegna valdi hann að stilla sér upp með þessu liði?

 

Ójöfnuð og misskipting ef upp tel ég fátt,

aumingja þeir níddu mjög í klessu.

Finnst mér sú réttsýni leggjast ansi lágt

er liðsinni veitir að þessu!

Vinsti grænir líkt og skækja 12.10.16

Steingrímur Sigfússon skildi við forustu Vinstri grænna með flokkinn sem rjúkandi rúst. Þá spratt bara upp lítil og ein allra tilleiðanlegasta daman í flokknum við að segja já og amen við hverjum hans óhroða og sviksemi við land og þjóð, Katrín Júlíusdóttir sem hvítþveginn frelsandi engill og fólk mátti vart vatni halda fyrir hrifningu og vildi óðara helst af öllum landsmönnum fá hana fyrir forseta Íslands. Látið ekki gömlu svikarana blekkja ykkur eins og ég tel að þetta dæmi megi sýna glögglega! Kjósið ekki Vinstri græna þótt skipt hafi verið um andlit í brúnni. Steingrímur er þarna ennþá og til allrar lítilmennsku vís:  

Vinstri grænir vildu til vellystinga sækja,

við þeir reistu Sjóvá og banka í Keflavík

en við alla fátæka voru þeir líkt og skækja

sem vill ekki leyfa það eða fara úr flík.

Sorglegt vonbrigði sú hreyfingin 11.10.16

Samfylkingu sorglega mislukkaða ég lít,

eða svo til alveg hér um bil.

Hefur reynst full af fyrirlitningu og skít

fyrir öllum jafnaði hingað til.

 

Í ríkisstjórn byrjaði öryrkjana að skerða

og að fella heimilin þar sín naut hún vel.

Í Icesave barðist til brjálæðislegra gerða,

bættur væri skaði af hvarfi hennar ég tel.

Óþokkasafn er vart lögmál 11.10.16

Er það ekki dásamlegt og eftir mörgu öðru svipuðu mikilvægt til virðingar í pólitíkinni að forseti Alþingis skuli vera dæmdur maður af Hæstarétti Íslands fyrir siðleysi og mannréttindabrot og það ekki á meiri bógum en á aumustu þegnum þjóðarinnar öryrkjum.

Þvílíkar vegtyllur hljóta eðlilega, eða er það ekki, að kalla á skjótan og mikinn frama?

 

Það getur vart verið lögmál

óþokkasafn á Alþingi.

Ég tel ráð í pólitíkinni

að fara að taka til.

Til þess þurfum við nýliða

er uppdikta ei lygar og svik.

Það væri mikil breyting

frá því sem fyrir var

af fyrirlitlegum aumingjum,

að merja snauða til vesældar.

Margir reika í óvissu með atkvæði sitt 10.10.16

Það mun svo að margir eru mjög óvissir núna

hvað ráðlegast og best muni fyrir þá að kjósa.

Margir eru flokkarnir og mikið er masað en hve

mikið af manngæskunni muni á bak við hvern

og hvað hann standi við komist hann til ráða

það hefur oft klikkað illilega að treysta á það.

 

En hvert atkvæði sem ekki fer á Fjórflokkinn

og trúlega allt að eina með atkvæði Viðreisnar

fer ekki til spillis þó flokkurinn komist ekki að

þar er aðeina til meina, Fjórflokkurinn fái það:

 

Kjósirðu vinur Fjórflokkinn,

flengir hann þig betur,

- dyggðarúinn djúptsokkinn

D á listann setur.

Haffi skrifar mér 10.10.16 - Kjósum rétt

& komum í veg fyrir að peningarnir okkar verði að engu. Það sem vakir fyrir sitjandi ríkistjórn og viðreisn er að selja bankana sem fyrst. Og hverjir gætu kaupendurnir verið? Jû engir aðrir en lífeyrissjóðirnir (okkar peningar) og eins og vitað er, en næsta hrun er handan við hornið,

þó það komi ekki á morgun eða hinn. Og hvað gerist þá? Jú forustu menn lífeyrissjóðanna senda út afsökunarbréf til ellilífeyrisþega og tilkynna þeim að ,,því miður hafi þeir tapað þúsundum milljarða" og þess vegna neyðist þeir til að lækka lífeyrisgreiðslur um allt að 20-30%.

En munum að þeir eru í ,,Mafíunni/Elítunni" og fá hlut af þeirri köku sem þeir koma undan, því að þessir peningar sem fara í að kaupa bankana fara beina leið til Luxemburgar eða annara Evrópulanda og þaðan fer það beina leið til Panama þar sem þeir þykjast kaupa eignarhaldsfélög sem eru ekkert annað en skúffu fyrirtæki stofnuð með aðeins einni hugsun og það er að koma féinu undan og láta það hverfa.

Það er í okkar höndum hvernig við sköpum framtíðina.