Af Eldhúsdagsumræðum 27.9.16

Oddný G. Harðardóttir formaður samfylkingarinnar talaði vel í eldhúsdagsumræðunum í gærkvöldi en hverjum skyldi detta í hug að hún eða flokkurinn standi nú við hugsjónir sínar frekar en hann gerði er hann komst í stjórn til að framfylgja þeim en breytti ósælla minninga þvert á móti þeim á hinn svívirðllegasta hátt gagnvart alþýðu manna og byrjaði á því að skerða laun öryrkja og gamalmenna:

 

Samfylking stjórnmála sótti í rokk,

siðlaust í ríkisstjórn óhæfur vann.

Óhroðinn hefur fylgt þessum flokk

og fer varla nú að skilja við hann.

Matvælaframleiðsla 26.9.16

Mörg stendur matvælaframieiðslan til boða
og misjöfn eru gæðin að kostum ég tel.
Ég hef lengi forðast vörurnar frá Goða,
fátt tel þaðan koma er mætti líka vel.

Komið úr ökuferð 25.9.16

Nú á ég eftir að haltra í hús

og hver má í gátuna ráða

hvort ég af flatur falli í rús

eða frískist til meiri dáða.

 

Ökumaður 26.9.16

Ýmsir menn eru sem öðru að sinna

á augnabliki þeir misst geta valdið.

Vanur bílstjóri er fljótur að finna

fyrir því hvernig um stýri er haldið.

Framsóknarframboð 23.9.16

Svikin vefur snjallt til lokks,

– leiftursnögg sem tundrið,

býður sig til formanns flokks

félagsmálaundrið.

 

Sigurður Ingi á sama veg

sækir þau á miðin

til afstöðu glæpa yndisleg,

enda vel þar liðin.

 

Sjálfsánægja frh.

Það hefur oft verið hnýtt í mig

hvenig að ég sé til og frá

en ef maður er ekki ánægður með sig

hver á að vera það þá?

Harður er heimurinn 24.9.16

Það þarf mikið lag til að lifað geta vel

og láta hverja þjáningu sér nægja.

Oftar mun í heiminum henta að ég tel

hörku frekar beita en að vægja.

Hvernig bregðast heilaþvegnir við 22.9.16

Hvað eiga gera heilþvegnir

er hafa verið innprentaðir siðir,

svo sem að minni megi slegnir

sem mega ýmsum fastir liðir.

 

Ráð ei á fólk af fyrra bragði,

faðir minn heitinn sagði

og níðstu ekki á aumingjum,

áherslu þungt á lagði.

 

En hann sagði hönd mega bera,

hverjum mót réði á þig.

Þótt ég sé linur það læt ei vera,

þjaki ranglætið mig.

---------0--------

Það er á því munur

uppi að lifa en niðri

einkum er menn eru

af æðstu og lægstu stétt.

 

Bófar byggja toppinn

á botni eru lágir

og berji sá stóri smáan

það þykir lítil frétt.

 

En ef sá smái rís upp

og röfla við hann tekur

er hann bjáni að rífa kjaft

þótt allt megi rétt.

Á Íslandinu hrjáða 21.8.16

Ríkisstjórn eftir ríkisstjórn á Íslandi til langs tíma með Fjórflokkinn að vopni hefur nítt niður heilbrigðiskerfið, öryrkja og aldraða hver sem betur hefur getað og hlaðið undir þá ríku. Skyldi alþýða manna eina ferðina enn í Alþingiskosningum ætla að kjósa í stórum stíl yfir sig sömu valdníðingana sem alltaf hafa lofað bótum og betrun og svikið það jafnóðum aftur og í staðin sífellt aukið enn meira á launamisréttið

Margt er verra en veðurfar

er veldur hér fólki meinum.

Mest trúi ég um mæðu þar

af mannúðarskorti einum.

 

Margslungið manna er vosið,

margir vilja í sama rassi lafa.

Ég hef ekki aftur þá kosið

er einusinni svikið mig hafa.

Af Alþingi 2016

Skyldu bágstaddir smælingjarnir búnir að gleyma því á kosningardaginn sem að brátt að fer, hvernig ríkisstjórnir Fjórflokksins aðeins mislafnlega blandaðar innbyrgðis, hafa leikið þá hver á eftir annarri og endurkjósa þá sem að ekkert hafi í skorist?

Það er fyrir auðvaldssinna einskis ei vert

Alþingi mega af státa

en hvað skyldi smælinginn annað geta gert

en að leggjast niður yfir því gráta?

 

Kjósi hann Steingrím, kjósi´ann Bjarna,

Katrínu eða Sigmund sér til varna

er hætt við honum verði bágt til bjarga!

Misjöfn er trú manna 19.9.16

Að heimur ei versni svo verr ekki fari,

veltur mjög á þeim er búa honum í.

Að allt sé hverfult en andinn þó vari

er ekki hæpið að trúa því?

Hafið þið séð refi um hæðir og hóla? 18.9.16

Því skyldu hinir mestu óþokkar, svikarar og níðingar á sjúkum og fátækum í landinu fá rífandi endurkosningar til sömu trúnaðarstarfa fyrir alþjóð á prófkjörslistum samfélagsins? Sé allavega ekki betur en svo sé víðast hvar.

Hvað skyldi að þeim sem leggja slíkum lið? Jú, það hafa margir annarra hagsmuna að gæta en ekki þó almúginn sem mun í miklum meirihluta taka þátt í þessum prófkjörum og verða óhjákvæmilega fyrir barðinu á þeim.

Að hafa samúð með bágstöddum náunganum mun ekki vera það ríkasta í eðli mannsins og tel ég þetta sláandi dæmi sanna vel þá kenningu.

Ég skora enn og aftur á alla sem vilja þjóðlíf okkar til beri vega, það versnað vart getur, að kjósa ekki Fjórflokkinn og finna sér annan flokk sem ekki er sannur að lygum og fláræði síðustu ára sem hann. Ég kveð með ljóði dagsins:

Stiginn er Hrunadansinn 18.9.16

Nú er stiginn dansinn fanta og fóla,

frambjóðenda er vilja meira af gottinu.

Hafið þið séð ref um hæðir og hóla,

horfa á sína bráð og dilla skottinu?