Ást í meinum 13.7.16

Ég vil ekki ofgera neinum,

öfgar komast sem í vana.

Yndisleg er ást í meinum

ef vel tekst að dylja hana.

Gleðilæti 13.7.16

Þótt gleðja megi gæflyndan

gustur lífs af kæti

þá mega ill fyrir óstöðugan

ýmis gleðilæti.

Gefðu af þér 12.7.16

Gefirðu ekkert af þér

ei þér hæfir skræmta

þótt þú eins af öðrum

einskis megir vænta.

Gjafir og ást 11.7.16

Astin kemur, ástin fer,

allar gjafir þiggja laun,

geta ekki gefið af sér,

gerist dapurlegt í raun.

 

Ástin gefur allt af sér,

ýmsir gefa ekki baun,

- gera lífið gjöfult hér,

Guði trúi ég sé laun.

Obama segir þeim verði refsað 10.7.16

Hann segir að refsað verði fyrir að drepa lögreglumenn en hvað skyldi þá með almenna borgara sem þeir drepa og vandinn er sprottinn út af. Hann hefur ekki farið orðum um að refsa þeim frekar en aðrir stjórnendur Bandaríkjanna.

Mér þætti fróðlegt að vita hvað annað en að lögreglumenn eigi von á að vera drepnir fyrir að ráðast með ofbeldi á saklaust fólk geti haldið aftur af þeim og fengið stjórnvöld til þess sama með að taka harðar á brotum þeirra en gert er.

Í flestum tilfellum hefur mér sýnst að þeir væru sýknaðir og geti byrjað upp á nýjan leik eftir að hafa verið vikið frá störfum til málamynda um stundarsakir.

Nýjustu vísindi 6.7.16

Margt í lífi mæðir lund,

margt oss vekur hroll.

Rúnki mælti á raunarstund:

Rekaviðalykt er holl!

Haffi skrifar mér- Breytingar verða ekki með tali einu saman! 27.6.16

Fólkið sem vill ekki að við göngum í Evrópusambandið hefur nú þungar áhyggjur vegna stöðu Englands eftir að þeir sögðu sig úr sambandinu, jú afhverju heldur þú lesandi góður að það sé? Það er vegna þess að útgerðin selur allar sínar afurðir í erlendri mynt og á allt sitt á þurru þar í erlendri mynt og nú eins og í gamla daga á að þrýsta á ríkistjórnina til að fella gengið til að þeir tapi ekki spón úr aski sínum.

 

En við almenningur eigum að taka á okkur byrðarnar eins og hefur verið undanfarin 90-100 ár. Þess vegna er okkar ónýta króna búin að falla um 2000-2200% frá upptöku hennar. Allt til höfuðs auðvaldsins og þeirra sem eiga allt. Á meðan við horfum á eignir okkar fuðra upp í vaxtaokri, verðbólgubáli og verðtryggingu þá eignast fólkið í nágrannalöndum okkar sínar eignir og sefur vært.

 

Kjósum allt anað en fjórflokkana í næstu kostningum.

Til hamingju með nýja forsetann 26.6.16

Það mun nú hverjum manni best að reyna að vera bjartsýnn á framtíðina en ég á bágt með það varðandi væntingar til betra sjórnarfars þar sem tekið yrði á spillingunni af þessum nýja forseta en falllegur er hann og fjölskyldan hans öll.

Mér finnst úrslit kosninganna sýna helst að þjóðin vilji standa í stað og láta bara fljóta með spillingu stjórnmálanna án þess að tryggja rétt sinn hjá forseta til að mega skerast í þann oft hroðalega ljóta leik með þjóðaratkvæðagreiðslu.

Mér er minnisstætt þegar verið var að kenna mér ungum björgun frá druknun þá var þar eitt atriðið að menn mættu vara sig á því að druknandi menn gætu orðið svo ruglaðir að þeir reyndu að draga björgunarmanninn niður og drekkja honum.

Í kosningum hefur verið deilt um hvort frekar séu 3 eða 5% sem ekki eru fávitar. Það passar í þessum kosningum ef litið er til fylgis Sturlu Jónssonar um 3,5% að muni vera staðreynd sannleikans. Hann vildi heils hugar vinna alþýðu manna.

Það er erfitt að bjarga þeim sem berjast á móti og vilja ekki láta bjarga sér. Sturla hefur lýst því yfir að hann sé búinn að gera sitt besta og muni draga sig í hlé frá opinberri baráttu fyrir réttlæti landslýð til handa eftir þessar kosningar.

Það skarst í odda í forsetaframboðsumræðunum 20.6.16

Ástþór setti fram harða gagnríni á Guðna Th sem frambjóðanda elítunnar og það líkaði þáttarstjórnendum ekki betur en svo að þeir höfðu að orði að vísa honum úr þættinum. Ég kommantaði við fréttina á vísi.is í dag:

Oft eru orð að sönnum

ekki til vinsælda fallin

og eiga lúta lögum og bönnum,

láttu þá hafa það kallinn.

Að ást fái dafnað 14.6.16

Að ást fái dafnað má flestu í hag.

Farsæld kann mörgu að bifa.

Að hamingjan vaxi dag eftir dag

er dásemdin mesta að lifa.