Djásn féll um snjóloft 26.2.18

Svo er nú það að fer sem fer,

féll mín Djásnin niðrum skarir.

Lífið er brekka ljóst það er

og líður oft fyrr en varir.

Björgun varð þó í þetta sinn

og það var mikið lán vinurinn.

Af orsökum fitu 26.2.18

Þegar menn fara í ástarlífi

eitthvað að láta sig

um nætur leita í matarforða

og hakka í sig dátt.

Þetta hefur fitað marga

fleiri heldur en mig

og ég segi þér vinur minn

þú skalt á því vara þig

því viljirðu halda í úlitið

er hitt í rétta átt

að þrífa bara til kellu sinnar

og fá sér góðan drátt.

Lukkunar vild 26.2.18

Þegar menn taka fyrir fram

fá þeir stundum hroll

er kemur að skuldadögunum

og greiða á þann toll.

Þá eiga menn oft ei fyrir því

frekar en í fyrra sinn

og framlengja vilja á nýjan leik

Já, svona er nú heimurinn.

 

Það er mikil list að lifa

og ljóst vilja margir reyna

að upplifa lukkunnar vild.

Að stela mörgum hugmyndum

og sameina þær í eina

ýmsir vilja segja

að sé hin sanna snilld.

Af heilræðum Svarra 24.2.18

Þegar menn fara í ástarlífi eitthvað að láta sig

um nætur fara leita í mat og hakka í sig dátt.

Þetta hefur fitað marga fleiri heldur en mig

og föngulegi mjói maður þú ættir að vara þig.

Því viljirðu halda í úlitið þá er hitt í rétta átt,

Þrífa þá til kellu sinnar og fá sér góðan drátt.

 

Gátur og svör 24.2.18

Margar eru hindranir á huga okkar settar,

heimskur til að leysa þær reynist sjaldan fær.

Það er sagt að spurningar allar séu léttar

ef maður aðeins hefur svarið til að leysa þær.

Eilífðar spurn 20.2.18

Hver veit um hvað

forsjónin oss til leggur?

Hvað þýðir að fást um slíkt

í rúmi og tíma?

Einum hún gefur,

annan niður hún heggur.

- Allt í lífi á jörðu

er eilífðar spurn og glíma.

Lögbann var sett á fréttaflutning Stundarinnar fyrir kosningar 2017

Ljótt er ástand ég segi að sann,

með soran úr auðvaldsrann.

- Segja má aðeins sannleikann

um sauðsvartan almúgann...

Heiðursfólk 10.2.18

Afi oft á Skjóna sínum

hleypti á tæpast vað

og lukkaðist að sigla

vítt um hnöttinn.

Amma hafði tennur þrjár

sem gengu sitt á hvað

en samt tuggði hún

allan mat í köttinn.

Eigingirni 9.2.18

Ýmsir vilja eiga makann,

aumur hver vill á því frest.

Settu ekki sátt á hakann

sátt er jafnan til kosta best.

Pólitík 29.1.18

Pólitík er ógeðsleg tík

er treystir mest á

að fólkið bara þegi.

Menn eru með hörkunni

teknir í ,,píp“,

hroðalega á hverjum degi.