Um hugrekkið 18.10.18

Ekki er hver maður hugrekkinu gæddur,

hjörtun í buxurnar oft vilja síga

en maður má helst ei vera svo hræddur

að í hvorugan fótinn þori að stíga.

Svínað á útlendingum 11.10.18

Ekki er það mín meiningin

að vera neitt að dylgja

en menn hafa ei til verkanna

hamar bara og sög.

Haldið þið menn verða ríka á

reglunum að fylgja?

- Það reynist allstaðar svínarí

þar sem ekki eru viðurlög.

Hvað sér sér vesælla 30.9.18

Nú ku vera í umræðu Alþingis Íslands að drepa enn eldra og stærra fólk í móðurkviðum heldur en verið hefur leyfilegt hingað til að gera af Alþingi Íslands. 

En hver og hverjir eru þessi Alþingi Íslands? Eru það ekki fólk eins og ég og þú? Hvað hefur þetta vesalings fólk á Alþingi Íslands talið sig vera að geta kveðið upp dauðadóma yfir fólki eftir duttlungum sínum og þjónkustueðli við einhverjar flokkslínur.

Ég vil að fólk sem leyfir sér að taka þátt í þessu sem mörgum öðrum stórglæpamálum við að leika sér með líf fólks verði vandlega nafngreint á listum sem haldið væri á lofti um aldur og ævi og mætti hvetja marga til að vanda betur um hverju þeir taka þátt í.

Ég vil minna á og þar skýtur skökku við að dauðadómar eru bannaðir með lögum frá Alþingi og morð eru refsiverð yfirleitt um 16 ár á Íslandi. Og ég tel hvern heilvita mann eiga að geta séð að þetta sem ég hef verið að tala um er hvort tveggja.

Ég vil líka að þjóðin geymi í minningu sinni nafn heilbrygðisráðherrans sem undirskrifaði þessa dauðadóma árið 1967, sérhvert er nú heilbrygðið, hann hét Mattíhas Bjarnason og var í forsvari Sjálfstæðisflokksins. Forsetinn sem undirritaði dauðadóminn, án þess að vísa því til þjóðarinnar sem var því alfarið mótfallin, það var Kristján Eldjárn. Megi nöfn þessa manna og niðurlæging siðferðis frá því land byggðist, uppi meðan land byggist 

Óþjálir ljáir í þúfum 23.9.18

Þeir sem stjórna umræðu morgunútvarpsins hafa alltaf verið með einhverja óþjála fanta, sem andmælendur á almennri og alþýðlegri umræðu að mér hefur fundist í langan tíma.

Til fjölda ára var það Pétur Blöndal og síðan tók við annar ekki skárri, Brynjar Níelsson. Mér hefur oft verið hugsað til þess að á tímum boða og banna, hvers vegna skuli ekki lokað á  málafylgjumenn sem þessa langt úr takti við allt eðlilegt að mínu mati og flestum hlustendum til sannrar armæðu og leiðinda.

En það má kannski afsaka þá með það í huga að málflutningurinn sé bara ófalinn sannleikur stærsta stjórnmálafloos landsins varðandi áníðslu og undirtroðning þeirra landsmanna sem bágast eiga lífið í landinu vegna ójafnaðar og fátæktar.

- Sá sem ekki segir neitt

segir ekkert vitlaust

en fleirum trúi ég hamsi í heitt

háa þótt ei kveði raust.

Stúlkan og löggufjandinn 22.9.18

Sunnan golan sveipaði oss hlý,
uppúr veski vasaklút hún dró
í angistinni augu sín hún neri
inni fyrir eitthvað markvert bjó.
- ég get ekki gert að því 
þótt mönnum líki hvað ég geri,
stundi hún síðan og hló!

Sögð er hún slökkva hjá manni pínu,
svo komi annar er maður fer,
hún kunni að standa í stykkinu sínu
stimamjúk ástrík og gjöful í sér

Vos 22.9.18

Það gerist margt veraldarvosið,

vandi er oft sjá hvað að fer.

Sjaldan virðist vera á allt kosið

en vinur minn tak því sem er

 

Flökkustúlkan 22.9.18
Þegar fara saman hugur og hönd
hratt færist margt til vega.
Hún hefur flogið og ferðast um lönd
og farist það bærilega.

Lán 19.9.18

Margir illa lánum sínum sinna,
seint má sig á heiðarlekann reiða.
Sumir allt til foráttu sér finna,
fjármuni af höndum eigi að greiða. 

Setning Alþingis 12.9.18

Fer hún með himinskautum

hálsinn til regir og teygir,

ætlar að firra okkur þrautum

en ekkert að marka er hún segir

- Á lygaþvælunni ekkert hik,

öll ræðan fyrirfram svik..

Hitler annar 11.9.18

List er Trömps að brjóta blað
og beygja þjóðarsiðferðið.
Á þennan hátt komst Hitler að
og Helförin skók mannlífið.

Lottó 5.9.18

Ég fyllt hef oft út síðurnar

að heilu eða hálfu

en mínir hafa verið vinningar

lífinu í sjálfu.

Gæt þín á góðseminni 4.9.18

Vertu ekki góður vangefnum konum,

vís væri þá einhver til að kæra þig.

Þeim er víst flest ofott aumingjonum

ekki mega njóta þess að eðla sig.